#بريق_الأمل
الحلقة 9
بدأ رمضان ينتهي بترقب ماحي فيه كل ذنوبنا وغاسل قلوبنا اللهم آمين
فاطمة ومفيدة والبنات حاصلين في المشغل فترة لقرب العيد شي بينقص شي بيقلص والدنيا شايشة
مفيدة: أمتى بتبدي في لبس العيد للصغار
فاطمة: والله مافضيت بكل قبل فاضيين ماورانا شي نخيطلهم على راحتي مش زي توا قريب حتى فطورنا ننسوه
مفيدة: لجابوهلنا كملنا مازال عالخياطة أنتي ابدي فصلي مش نلحقوا نخيطوهن خير مانبدوا حاصلين ليلى العيد
فاطمة: بس أنا ماخديتش مقاساتهم لكبر ولزاد ماقعدوش زي قبل راهم
مفيدة: والله لحقا
فاطمة: اليوم بما انه مافيش خدمة اتصلوا لعنده حاجة يرفعها وخلى نروحوا عيينا
مفيدة: ان شاء الله
بعد ساعتين
فاطمة: تسكر في الباب كلكم طلعتوا
ردوا عليه بايه طلعنا ركبوا الباص وروحوا
خشت مفيدة هي والبنات للمطبخ بيطيبوا فطورهم قبل كانت وحدة الطيبلهم لكن توا بعد كبروا البنات وطلبوا انه يقعدوا ويخدموا في الميتم قعدن هنا ليطيبن ويديروا كأي واجب منزلي
فاطمة: مقعمزة في دار والصغار واقفين بالطابور ولابسة نظارة طبية وتسجل في الاسم وتكتب تحته القياسات الأولاد بدلة عربية وفرملة والبنات قفاطين وكل وحدة تشرحلها شن تبي شكله وهي تسجل
فرحة صغار بلبس العيد غير تفرح لفرحتهم والدير كل شي عشان تكمل فرحتهم
ياريت مازلنا صغيرين ونفرحوا زيهم بلبسنا الجديد وكل يوم نلبسوا ونسلبوا لين يجي العيد وليلة العيد مانرقدوش من الفرحة عشان غدوا عيد
مفيدة: شن كملتي
فاطمة: ايه كملتهلهم مازال البنات في المطبخ
مفيدة: باهي ربي يعاونك
فاطمة :سلمك كملتوا فطورنا
مفيدة: درت معاهم والبنيات حلفولي نطلع هما يكملوا
فاطمة: ديما هكي البنيات ربي يحفظهن
مفيدة: اللهم آمين حتى ماجبناش بنيات اهو حصلنا من يعول علينا ويهمه مصلحتنا
فاطمة: ايه والله سجلت قياسات آخر واحد هيا يامفيدة وقفي زين
مفيدة: شن بالديريلي
فاطمة: قفطان العيد
مفيدة: زعمك مازال فينا طمع نلبسوا دبش العيد ونفرحوا بيه زي هالصغار
فاطمة: وخيرنا شن ناقصنا مانلبسوش ومانفرحوش هيا هيا وقفي وبلا لكلك زايد
مفيدة: هههههه باهي
فاطمة: خدت قياساتها هيا تعالي قيسي عليه نحس روحي في هالسنة زدت عن قبل
مفيدة: ههههههه مش منك قبل ياحنة اكال وراحة القيتي من يساعدك في الميتم اربعة مش حتى وحدة
فاطمة: واهو وحدة بتمشي
مفيدة: الله غالب هذي سنة الحياة وشن نودولهم كان كلهم يمشوا ونتهنوا عليهم
فاطمة: ايه صح ربي يهنيهم ويفرحهم كلهم ويواتيهم الوقت الطيب ليستاهلوه
قدر: خالتي فاطمة
فاطمة: نعم ياقدر تعالي
قدر: احني كملنا
مفيدة: نادي عالباقي وتعالن
قدر: باهي مشت نادت عالبنات وجن كلهن
فاطمة: تعالن وقفن قدامي
لطيفة: ضروري من لبس العيد
زينب: احني كبرنا عليه
فاطمة: حتى من مفيدة بتخيط لبس العيد وحتى أنا وخيركم أنتم في ناقصات هيا تعالوا بالوحدة قبل مايأدن المغرب
أنت تقرأ
بريق الأمل & الدنيا حكاية
غموض / إثارةرواية ليبية من مجموعة قصص الأيتام الفقد والفقر والنجاح والاستقرار والصعود نحو الأعلى لعدة شخصيات معانا مش شخصية وحدة
