#الدنيا_حكاية
حلقة 4
رجعت لطيفة للميتم اللي خشت منه بسبب خوتها دخلت ليه بنت يتيمة واليوم مديرة (عسى أن تكرهوا شيئا وهو خير لكم )ممكن نكون جينا لمكان واحني مش راضيين على جيتنا لكن المستوى لنوصل ليه في المكان نعرف انه كله خير كله لحكمة
مر أسبوع لطيفة دارت امتحان رحلوها للصف السادس بدأت تقرأ أول بأول وكل لشاغلها توا قرايتها في الجامع وتكملة حفظ القرآن الكريم وتقري أطفال الميتم وتخليهم يقروا كلهم مايعوزوا حد زي ماهي كانت عاوزة خوتها ومحتاجتهم هلبا وكانت بأشد حاجتها ليهم لكن سيبوها وكأنها مش موجودة والمشغل تبي الطوره وتخليه من أحسن مراكز الخياطة في البلاد
مرت السنوات وأخدت لطيفة الشهادة الثانوية
الصغار فرحانين بيها واتفقوا هما والبنات ليلى وزينب وقدر انه يديرولها حفلة
ومن بين هذه الاحتفالات هناك شخص يلتقط أنفاسه الأخيرة
هكذا هي الحياة في كل لحظة هناك شخص يولد وشخص يموت
صبرية: في أخر سنتين مرضت هلبا وطلع عندها ورم حالته متقدمة وآخر أيامها كانت في المستشفى وولدها عند عائشة تهتم بيه
خرجت الروح إلى باريها وقعد ماهر يتيم من جديد الولد اللى عمره مايقارب خمس سنوات
صارت حالة في المستشفى يجروا الدكاترة لعل وعسى يقدروا ينقدوها ولكن لافائدة
طلع الدكتور وخبر عائشة بأنها توفت انتقلت لرحمة الله
عائشة: بدت تبكي تبكي هلبا تحس فيها أختها مش جارتها عاشوا جميع عالحلوة وعالمرة ساعدوا بعض ونسوا بعض كل وحدة تونس في التانية في وحدتها وتشوف لولدها ماهر شاد في ايدين عائشة ويبكي وخايف وساكت مش عارف شن صاير 😭
عائشة: زاد حالها تفكر في هالولد شن بيصير فيه وين بتمشي بيه وواجعها حاله مسكين وجاء ولد عائشة وانهى إجراءات المستشفى
وكملوا إجراءات الدفن
مفيدة: تتصل بصبرية الو صبرية كيف حالك اليوم
عائشة: وهي تبكي مفيدة الرويحة مشت لباريها توفت صبرية توفت اليوم
مفيدة: هييييي انا لله وإن اليه راجعون لا حول ولا قوة إلا بالله إنا لله وان اليه راجعون وينك توا
عائشة: كيف وصلنا لحويشها والدفن العصر
مفيدة: أهو جاية أنا والبنات ودموع ينزلوا
لطيفة: جاية بتنادي عليها عشان وقت بيمشوا للمشغل اليوم تأخروا عشان الاحتفالية ... شافت حالتها خالتي خير شن صار
مفيدة: صبرية ماتت يالطيفة
لطيفة: انصدمت انا لله وإنا إليه راجعون
الكل متوقع موتها لأنه حالتها خطيرة ولكن لما حد يتوفى مانقدرش نصدق ابداً
مفيدة :يانويرتي على وليدها تيتم في الأول وتالي
ليلى: وينكم هيا شافتهم خيركم
لطيفة :صبرية توفت
ليلى: لا حول ولا قوة إلا بالله يالطيف أنت اللطيف هيا خلينا نمشوا وبدت تبكي
صبرية من لما اشتغلت معاهم قعدت ليهن كأنهن صديقة يرسل الله لك الأشخاص لحكمة والحياة كلها حكم وعبر ودروس
لموا روحهم وامشوا لحوش صبرية كان موجود حد كان الجيران
وعائشة :شادة ولد صبرية وتبكي مشت الغالية لمن مسيباتك ياوليدي
جارة: بجنبها مقعمزة لمن خلاته أرفعوه لأهله عمامه قاعدين شن يديروا
مفيدة :والله لو ماراضيين بيه أنا نرفعه معاي
جارة :مادام عنده من بيه أهله أولى بيه هذي أمانة ياوخيتي
مفيدة :في هذي صدقتي
أنت تقرأ
بريق الأمل & الدنيا حكاية
Mistero / Thrillerرواية ليبية من مجموعة قصص الأيتام الفقد والفقر والنجاح والاستقرار والصعود نحو الأعلى لعدة شخصيات معانا مش شخصية وحدة
