بريق الأمل & الدنيا حكاية

الدنيا حكاية 7

#الدنيا_حكاية
الحلقة 7

جاء الباص وأخد ليطفة وقمر ومشوا للمدرسة دارت زي ماوعدت ماهر لما يطلع يلقاها تستنى فيه

نزل ماهر من الدرج ومع زميله في المدرسة أصبحوا أصدقاء ثاني واحد كان يتكلم معاه القي قدامه لطيفة وقمر يستنوا فيه مشالهم يجري حضنهم وهو فرحان جيتي زي ماوعدتيني
لطيفة أنا من أمتى نخلف بوعدي وقديش عندنا ماهر احني
ماهر أشر بأصبع رقم واحد
لطيفة ضحكت قداش مرة قلنا عليها الاشارات تتكلم بلسانك
ماهر ماهر واحد عندكم
لطيفة ايوا هذا ولدي الشطور

ومن بين هذا الحديث كان هناك ضجة خروج الأطفال من المدرسة وفيه لمن شافهم وحسدهم وفيه لمن شافهم وابتسم كانت صورة عائلية مكتملة أم وأولادها ولكن من كان يعلم انه هذي مربية أيتام وهدوما أطفال ميتم وبس 
دائما الصورة خداعة والحقيقة مبهمة
لطيفة هيا ماهر الباص ينتظر فينا وعيب الأولاد يستنوا فينا صح ... وخداته من يده قمر من يمين وماهر من يسار وركبوا الباص وانطلقوا للميتم ونزلوا وخشوا للميتم كان الوقت بعد العصر
لطيفة هيا كل واحد يخش يغير حوايجه ويمشي يكتب واجبه نبي الكل يكونوا أذكياء وينرفع فيكم الراس
الكل حاضر

اتجهت لطيفة لغرفتها بينما لاتزال مفيدة في المشغل قاعدة ماروحتش تفكر إن آخر سنة من دراستها حتبدا وإنه لازم تستعد لهذا الشي وشافت الساعة كان قريب الليل اتجهت لتحت القت مفيدة مروحة ومقعمزة مع الأطفال تقضي في وقتها معاهم بين أحاديث وحكايات انضمت ليهم حتى وتستمع لحكاياتهم

انتهى اليوم بسلام وجاء اليوم التالي
كانت آخر فترة تروح لطيفة عند مرواح الصغار من المدرسة حتى مايقعدوش بروحهم وهي جالسة معهم لتهتم بدروسهم طرق الباب الذعر بان على وجوه الكل من الذي يطرق الباب وفي هذا الوقت بالتحديد
لطيفة ملاك امشي شوفي من
ملاك حاضر
مشت فتحت الباب كانوا مرأة ومعاها راجل وين مديرة الميتم
ملاك شوية والنادي عليها مشت ملاك لوين مامقعمزة لطيفة خالتي لطيفة فيه مرأة وراجل برا يبوك
لطيفة حاضر شبحت لكانت تقري فيه حل المساءل هذي ونجيك تمام
الولد هز براسه وهي طلعت واتجهت للباب
لطيفة مرحبا تفضلوا معاي للمكتب
اتجهوا وراها وقعمزت وراء مكتبها وآذنت لهم بالجلوس تفضلوا كيف نخدمكم
المرأة احني جايين نتبنوا طفل من عندكم
لطيفة ابتسمت مرحبتين بيكم شن عندكم الطلب للتبني
المرأة ايه تفضلي
لطيفة أنتم عارفين الإجراءات لازم نعرفوا شن وضعكم خدمتكم حوشكم وكيف حتعيشوا للطفل معاكم
الراجل ايه نعرفوا وكله حاضر
لطيفة ابتسمت إذا تتفضلوا معاي لغرفة الأطفال لتختاروا الطفل لبتتبنوه
المرأة حاضر
لطيفة مشت قدامهم وهما خلفها لعند وين ماقاعدين الصغار مدت يدها للدخول تفضلوا
المرأة خشت وجت على عيونها لماهر طول ومشتله طول وشداه أنا نبي هذا شن اسمه
ماهر خاف منها ومش عارف حتى هي شن الدير هنا في وسط دهول ونظرات الغيرة من غيره لانه اختاروه هو من بينهم وهو ماكان عليه إلا يسيب المرأة ويمشي يمسك يد لطيفة لحتى يحس بالأمان
لطيفة ابتسمت بألم هو بالذات كان عندها غير ماهر موافق تكون عندك عائلة فيها أب وأم
ماهر كطفل لا يعرف يختار سمع بأب وأم يحسابه أي أم وأب هز براسه بموافقة
لطيفة ابتسمت تفضلوا معاي لو سمحتم
اتجهوا معاها للمكتب ومدتلهم أوراق التبني ووقعوا عليها
لطيفة قبل كل شي غدوا حنجي للحوش بنشوفه ونتأكد من الراحة والمسكن للطفل
الراجل هذا حقكم وخدمتكم
لطيفة تمام ان شاء الله
المراة والراجل طلعوا ولطيفة تنهدت وتفكر في ماهر بعد مارجع يكتب في واجباته المدرسية
روحت مفيدة وسألت عن لطيفة وقالولها هي وين دقت الباب وخشت القت لطيفة سارحة وتفكر
مفيدة خير شن فيه قالوا الصغار جت مرأة وراجل
لطيفة انتبهت ليها وقعمزت بانتباه ايه صح كانوا يبوا يتبنوا طفل ووقع اختيارهم على ماهر
مفيدة وهذا ليش أنتي زعلانة لأنهم اختاروا ماهر
لطيفة صح أنا زعلانة ومش حنكون أنانية نبي الأفضل سوى لماهر أو غيره ويكون عنده عائلة بس أنا مش مطمنة قلبي هكي نحس فيه شي مش مفهوم
مفيدة أكيد بسبب تعلقك بماهر لا أكثر وخايفة من فقدانه
لطيفة صح يمكن غدوا بنمشوا للحوش وبنتطلعوا عليه حيبعتولي العنوان في رسالة نتمنى مايكونش بعيد
مفيدة ايه صح ربي يهنيهم أجمعين
لطيفة ان شاء الله شوي ووصلت رسالة على هاتفها وقرتها

في اليوم التالي اتجهت مفيدة هي ولطيفة لوين مابعتوهم ووصلوا واستقبلوهم أحسن استقبال وقعدوا يستكشفوا في المكان كان حوش كبير وواضح الغنى والعز لواضح فيه وهذا أكثر شي مريحهم وغير بشاشاة الناس والاستقبال والتعامل الحلو مطمنهم أكثر وماروحوا إلا وهما مطمنين عليه من كل النواحي
لطيفة لاحظت بوجود صغار ليهم يعني شن يخليهم ناس عندهم يتبنوا طفل ... ممكن سؤال
المرأة اسمها ليلى تفضلي نسمع فيك
لطيفة أنتم عندكم أطفال ليش تبوا تتبنوا طفل لأن أكثر المتبنيين يكونوا ماعندهمش أطفال
ليلى ليك الحق تسألي نحن نبوا نكسبوا الأجر في تربية ولد من الميتم ونربحوا فيه الأجر
لطيفة تطمنت وليكم الأجر ان شاء الله
ليلى بما أننا بعيدين عن الميتم والمدرسة بنسحب ملف ماهر
لطيفة ضروري يتعلم الطفل
ليلى أكيد نعاملوه زي أي واحد من صغارنا
لطيفة ان شاء الله

بعد يومين جو الأب والأم المتبنيين واخذوا ماهر معاهم للحوش
وخلوا قلب لطيفة مفطور على فقد ماهر ومشيته كانت عندها غير

ماهر وصل معاهم للحوش ويشوف فيه مذهول والبوابة ودنيا هذا صغير ماشاف شي من الدنيا كل شي قدامه يبهر عيونه وقلبه الصغير
كان أول يوم ليه مشي بشكل جميل يعاملونه بشكل لطيف ويهتموا بيه والصغار حواليه غايرين منه
لبساته ليلى لبس جميل وقعمزاته معاهم عالغداء وهو سعيد بالحوش والناس والاهتمام لا أكثر لانه هو مايعرفش سبب وجوده هنا
.
.
.
يتبع مع قصتنا مع ماهر وهل فيه شخص ثاني حيكون موجود معانا في الرواية يتبع