بريق الأمل & الدنيا حكاية

الدنيا حكاية 19

#الدنيا_حكاية
الحلقة 19

الحقيقة أنني أنهار يومياً عدة مرات، وأنهض أرمم روحي دون أن يدري أحد بما يجري داخلي...
وهذه ميزة أن تتقن التظاهر بالذات

مقعمزة بروحها لطيفة وتفكر وهي شن عندها غير التفكير ليها ولغيرها ... أنا شن درت في حياتي من غلط عشان قمر تكرهني حتى من ماهر تعدب وصار فيه الويل لما رجع للميتم كان يحبني هلبا وماتغيرش عليه ياترى وين المشكلة وين
مفيدة ملاك وين لطيفة قاعدة مانزلتش وقت عالمشي
ملاك قاعدة في دارها مانزلتش
مفيدة من أمس مش عاجبتني كان ماتكون مريضة
ملاك مش عارفة
مفيدة ركبت ومشت للطيفة ... لطيفة بنتي
لطيفة تنهدت نعم خالتي
مفيدة خيرك يابنتي شن فيك
لطيفة أمس مش قلتلك مشيت لحوش قمر
مفيدةايه صح قلتيلي
لطيفة البنت متغيرة عليه ومش عارفة حسيتها كارهتني ماحطتش عينها في عيني أنا خايفة لو
مفيدة ماتحطي شي في بالك هي صغيرة وماتعرفش تفرق بين الصح والغلط وباهي كيف معاملة خديجة معاها
لطيفة كويسة والباين تحبها هلبا
مفيدة هذا أهم شي في الموضوع كله وهلبا اولاد وبنات زمان بعد ماتبنوهم حتى نشوفهم قدامي مايعرفونيش يعني هذا شي طبيعي
لطيفة ان شاء الله يكون هكي لو كرهتني وماعاد تبينا مافيش مشكلة المهم هي تكون مرتاحة بس
مفيدة ايوا توا يالطيفة فيه عندك مسؤوليات للصغار مش لأي حد يمشي بالديري عليه مشكلة ليطلع من هنا ونتهنوا عليه مع عيلة كويسة وبس وهذا المطلوب
لطيفة حاضر ... بالنسبة للطيفة عندها ماهر وقمر غير عن الكل تأثر لأنها شافت الرفض في عيون قمر

رحمة قمر حبيبتي
قمر ليش مارفعتنيش معاها
رحمة من هي
قمر لطيفة ليش مارفعتنيش معاها زي مادارت لماهر لما العيلة كانوا يعدبوا فيه رداته للميتم وأنا ليش ماردتنيش ليش أكيد هي نستني وأنا ماعاد تبيني
رحمة أكيد لا ولأنك انتي ماخبرتيهاش بشن صار معاك هي حتعرف
قمر أنا نكرها ماعاد نبيها تجي
رحمة عطفت بحالها هيا نوضي معاي شوي ثاني نلقوا خالتك خديجة فوق راسنا
قمر نزلت من سريرها وخشت الحمام وطلعت للمطبخ
- لاتتمادى في إغلاق عينيك من الحزن، فربما تمر فرحة من أمامك ولا تراها 🤍
قمر خالتي رحمة اليوم شن بندير
رحمة وهي عالحوض تعالي ساعديني في غسل الماعين
قمر حاضر بتفكير وابتسمت خالتي أنتي عندك أولاد
رحمة ضحكت لا ماعنديش
قمر ليش
رحمة لأني ماتزوجت
قمر تعرفي تصنعي قبعة من الصوف
رحمة بتفكير لا من وين بنعرف بالله وأنا بين هالماعين والتنظيف
قمر ابتسمت أنا نعرف شن رايك نعلمك
رحمة أنتي كيف تعرفي
قمر لأنه الميتم لأنا فيه يخدموا فيها وضروري كلنا نتعلموا بعد مانكملوا واجباتنا كل واحد يشد الخيط والابرة ويبدا يخدم
رحمة ليش باهي
قمر هذي خدمتنا لأنه مش ديما يجيبولنا في الصدقات ومعاها الكبار يخدموا في المشغل وخالتي لطيفة عندها في اليوم تقري فينا في الحروف والسور من القرآن
رحمة ماشاء الله عليها مادام هي هكي ليش بتكرهيها
قمر بزعل لأنه سيبتني هنا
-أتدرون أنّ النساء أكثر كره وحقد من الرجال فالنساء تكرهك ولو كان الموقف الذي بينكم بسيط والرجال ولو سلبته إن قابلته يصافحك ويذهب في حال سبيله