Ang Kamera (COMPLETED/UNEDITED)

Chapter 13

Eric Salvez‘s POV

Hays kapagod talaga. Kaninang umaga pa ako nandito sa studio. Inayos ko kasi ‘yong mga gagamitin namin bukas para sa fashion show. Buti na lang at nandito sina Ms. Vivian at Fafa Franz. Kung wala siguro sila dito baka nakalabas na ang dila ko sa sobrang pagod ko. Hays.

Tapos na ang practice at sobrang pagod kaming lahat maliban kanila Ms. Vivian at Franz. Ako lang naman kasi ang nagturo sa gagawin ng mga models bukas. Sina Ms. Vivian at Franz ay nanuod lang.

Napagdesisyunan namin na mag-inuman muna dito sa studio since tapos na rin naman ang practice. Habang umiinom kami ay nagpaalam si Leah na mag C-CR daw.

Nagpatuloy lang kami sa pag-inom. Medyo nahihilo na rin ako. Iba nga ‘yung feeling eh. Parang kakaiba ang iniinom namin ngayon. Nakakapagtaka na parang ang bilis kong mahilo. ‘Di naman kasi ako madaling malasing.

Habang umiinom kami ay biglang dumating si Sean. Nagulat nga ako dahil bigla-bigla na lang siyang sumusulpot. Psh.

“Hi.”

Nginitian namin siya ni Ms. Vivian. Maliban kay Franz. Alam ko kasing may gusto si Franz kay Leah. Eh tanga lang talaga si Leah hindi niya alam na ang matagal na niyang crush eh may gusto din sa kanya.

“Hello,” halata mo sa boses ko na lasing na ako. Nginitian ko si Sean. Infairness ang cute niya talaga. Ang swerte talaga ni Leah, may dalawa siyang menchus.

“Si Leah?” tanong niya. Hinila ko ‘yung upuan sa tabi ko. Sumenyas ako na umupo siya. Sumunod naman siya. Aba dapat lang baka patayin ko siya pag ‘di siya sumunod sa gusto ko. Joke.

“Nag CR lang siya. Hintayin na lang natin. Sa dulo pa kasi ang CR kaya matagal pa makakabalik ‘yon.”

Tumango lang siya. Napatingin ako kay Franz na nag-iba ang aura niya. Napasibangot siya at nawala na ‘yung ngiti niya. ‘Yung mata niya halatang galit.

Tumayo si Franz. “Susundan ko na si Leah.”

Pag sinabi ni Franz sinabi niya kaya ayon naglakad na siya palayo.

“Ako din.”

Okay iwan niyo na akong lahat tutal sanay naman akong maiwan. Psh.

Kaming dalawa na lang ni Ms. Vivian ang natira dito. Ang babaeng maganda na manager ni Leah. Natatawa na lang talaga ako kapag nakikita ko ang napaka anghel niyang mukha. Hindi mo mahahalata ang demonyong nakakubli sa likuran ng napakaganda niyang imahe. Oops.

Nginitian niya ako. ‘Yung ngiti na parang may ibig sabihin. Kinilabutan tuloy ako. Duh hindi kami talo no. Halatang lasing na rin siya. Kapag kasi ngumiti siya ng gano‘n ibig sabihin hindi na siya normal mag-isip.

Inalis ko na lang ang tingin ko sa kanya at nilagyan ko ng wine ang basong hawak ko.

Ang tagal naman nila. Baka mamaya nag threesome na ang mga ‘yon ah. Psh bastos naman nila. Dapat sinama nila ako para atlis foursome ‘di ba? Joke.

Nanigas ako sa kinauupuan ko at muntik ko ng mabuga kay Ms. Vivian ang iniinom ko dahil sa gulat. Sumigaw lang naman ng sobrang lakas si Leah. Parang biglang pinasok feels. Hays.

Natawa na lang ako bago naglakad papunta do‘n sa kung saan nangaling ang sigaw ni Leah. Tumayo din si Ms. Vivian naglakad din siya. Ayon muntik ng matumba. Buti nga sa kanya. Baka patayin ko pa siya ngayon sa gigil ko. Hays ang hirap talaga mag bait-baitan sa mga taong nag babait-baitan. Parang mga santa santita pero nasa loob naman talaga ang kulo. Ang tanga lang talaga ni Leah dahil ‘di niya alam na nasa likuran lang niya ang sasaksak sa kanya. Hays.