ភាគទី 01 》[ ជួបដោយចៃដន្យ ]
#VHope
_________
Jung Group ជាក្រុមហ៊ុនធំជាងគេនៅក្នុងប្រទេស កូរ៉េសព្វថ្ងៃនេះ ហើយអ្នកដែលកំពុងកាន់កាប់ជា CEO រាល់ថ្ងៃមានឈ្មោះថា ជុងហូប៊ី
ក្នុងវ័យ 28ឆ្នាំ លោក CEO Jung មានកិច្ចការងារ រវល់ច្រើនស្ទើរដកខ្លួនមិនរួច ប៉ុន្តែគេនៅតែមិនភ្លេចកូនប្រុសជាទីស្រលាញ់តែមួយគត់របស់គេឡើយ . Jung Eunwon អាយុ 6ឆ្នាំហើយ គេជាក្មេងឆ្លាត ហើយស្រលាញ់ Appa គេខ្លាំងណាស់ តាំងពីដឹងក្ដីមក Hobi នេះហើយជាប៉ាផងជាម៉ាក់ផងរបស់គេ ។
《ផ្ញើផងអ្នកនាងលេខា ខ្ញុំប្រញាប់នាំ Eunwon ទៅដើរលេង គេចង់ទៅយូរហើយ ខ្ញុំគ្មានពេលសោះ》ហូប៊ីហុចឯកសារឲ្យលេខាវិញ រួចក៏ញញឹមនិយាយយ៉ាងក្ដីសុខនឹកគិតថាល្ងាចនេះនឹងបាននាំកូនដើរលេងសប្បាយហើយ
《ចាសលោកប្រធាន》លេខា
ហូប៊ីចាកចេញពីក្រុមហ៊ុនដោយបើកឡានតម្លៃថ្លៃរបស់ខ្លួនសម្ដៅទៅយកអ៊ុនវុននៅផ្ទះ តាមផ្លូវក៏មានម៉ូតូមួយគ្រឿងបើកបោះពួយលឿនខ្លាំង ក្នុងដៃមានកាន់កាំភ្លើងទៀតផង មើលមួយភ្លេតហាក់ដូចជាថតរឿងល្ខោន K-Drama
《យី...បើកលឿនយ៉ាងនេះតិចដួលងាប់》ហូប៊ី
ប្រាវវវ....!!! យីក៏មាត់ល្អម្លេះ ថាភ្លាមដល់ភ្លេត
នាយតូចស្លុតមិនស្ទើរទេ បន្ទាប់ពីបានឃើញម្ចាស់ម៉ូតូដួលច្រងាប់ច្រងឹលតែម្នាក់ឯង នេះក៏ល្ងាចហើយមិនសូវមានអ្នកណាឆ្លងកាត់ទេ គួរចុះទៅជួយឬអត់? មនុស្សដូចហូប៊ីមាត់អាក្រក់បន្តិច តែចិត្តមិនដាច់នោះទេ រាងតូចក៏ឈប់ឡានចុះទៅមើលគេភ្លាមៗ
《កើតអីឬអត់លោក?》ហូប៊ីចុះទៅជួយលើកម៉ូតូ តែលើកមិនរួច បានត្រឹមជួយទាញដៃគេឲ្យងើប តែដោយសារគេធ្ងន់ពេកក៏ដួលសង្កត់លើហូប៊ីវិញ
《អូយយ៉ួយ...ងាប់ហើយ ធ្ងន់ណាស់ងើបឡើង នែលោក...》ហូប៊ីប្រឹងរុញគេទៅម្ខាង គេសន្លប់បាត់ទៅហើយ សំណាងមិនមានរបួសបែកមុខ នាយម្នាក់នេះពាក់មួកការពារក្រាស់
ហូប៊ីសម្រេចអូសប្រុសមាធមាំឡើងឡានដឹកគេទៅមន្ទីរពេទ្យ បើទុកនៅទីនេះច្បាស់ជាស្លាប់មិនខាន ចុះគម្រោងជូនកូនដើរលេងគិតយ៉ាងមិច??
