I'm Not D A D D Y's Son

ဇာတ်သိမ်းပိုင်း

Unicode

ယနေ့က အရေးကြီးသည့်နေ့တစ်နေ့ဖြစ်တာကြောင့် တက္ကသိုလ်ဝင်းထဲတွင် ဘွဲ့ဝတ်စုံနှင့်လူများ ၊ ‌မိသားစုဝင်များနှင့် အမှတ်တရဓာတ်ပုံရိုက်တဲ့လူများက ဟိုစုစုဒီစုစုနှင့်ရှိနေသည် ။

ဒီနေ့ကတော့ စွဲလမ်းနိုင်ရဲ့နေ့ပါပဲ ။ တက္ကသိုလ် ကျောင်းသားဘဝကို လေးနှစ်ကျော်ကြာ ဖြတ်သန်းလာပြီးနောက်တွင်တော့ သူ့ရဲ့ကိုယ်ထက်တွင် ဘွဲ့ဝတ်စုံဝတ်ဆင်နေရပြီဖြစ်သည် ။

တစ်မနက်လုံး ဟိုသွားဒီသွားဖြင့် ဓာတ်ပုံရိုက်နေရတာကြောင့် သူ့မှာ ယခုအချိန်လေးကသာ အနားယူချိန်ရှိ၏ ။ စိမ်းစိုနေသော သစ်ပင်ရိပ်၏အောက်ရှိ ခုံတန်းတွင် ထိုင်နေသူက စွဲလမ်းနိုင် ။

ဝေဟင်ကျော်နှင့်မိုးယံသစ်ကတော့ တက္ကသိုလ်ဝင်းထဲ ခနပတ်ကြည့်ဦးမည်ဟုဆိုတာကြောင့် သွားဟူ၍သာ လွှတ်လိုက်တာဖြစ်သည် ။

တကယ်ဆို သူတို့က စွဲလမ်းနိုင်ဘွဲ့ယူချိန်အမှီပြန်လာတာဖြစ်၏ ။ ကျောင်းပြီးပြီဖြစ်၍ မြန်မာနိုင်ငံသို့ အပြီးပြန်လာတာဖြစ်ပြီး သူတို့ဆွေးနွေးထားသလို ဝေဟင်ကျော်က ဦးဧကရာဇ်ရဲ့ ကုမ္ပဏီမှာဝင်မည် ။ ‌မိုးယံသစ်ကတော့ အစိုးရဆေးရုံမဟုတ်လျှင် ပုဂ္ဂလိဂဆေးရုံတစ်ခုခုမှဝင်ပါလိမ့်မည် ။

“ စွဲ ”

ရင်းနှီးနေသည့် အသံကြောင့် လာရာကိုကြည့်လိုက်တော့ စွဲညို့သက္ကနိုင် ။ သူ့လက်ထဲတွင် ၃နှစ်အရွယ်
မျက်နှာချိုချိုလေးရှိသည့် ရွှေအိုရောင်ဆံပင်ကုတ်ဝဲ
လေးဖြင့် ကလေးမလေး တယောက်ကိုချီထားသည် ။ ကလေးမလေးရဲ့လက်ထဲမှာတော့ သိပ်မကြီးသည့် အထက်တန်းဆန်ဆန် ပန်းဆီရောင်နှင်းဆီပန်းစည်း‌‌
လေးကရှိနေ၏ ။

ကလေးမလေးက စွဲလမ်းနိုင်ကိုတွေ့တော့ ပြုံးရွှင်လာပြီး စွဲညို့ကို ပန်းစည်းပြန်ပေးကာ ချက်ချင်းပင် ချီထားသည့် ကိုယ်ပေါ်မှ ပြေးဆင်းလာပြီး စွဲလမ်းနိုင်ကို အပြေးကလေး လာဖက်ပါလေ၏ ။

“ လေးလေးငယ်..ဝူး..ဝူး ”

ကလေးမလေးဟာ စွဲလမ်းနိုင်ကိုဖက်ပြီး ငိုပါလေရော
သူ့တို့ရှေ့က မတ်တတ်ရပ်ကာ ကြည့်နေသည့်
စွဲညို့ကတော့ ရယ်နေသည် ။