Unicode
“ညို့ရေ စွဲညို့သက္က ”
စွဲလမ်းနိုင်တို့သုံးယောက်လုံး ညို့ အိမ်ရှေ့ရောက်နေကြသည်။
ဘာမှမပြောပဲပျောက်သွားတဲ့ ညို့ဟာဆိုရင် တစ်ခါမှ ပြန်မပေါ်လာပဲတစ်ကယ့်ကို ပျောက်ချက်သားကောင်းလွန်း၏။
“ မင်းတို့ စွဲညို့ကိုမြင်ဖူးလား”
“ဘယ်သိမှာလဲ ငါတို့အတန်းပြောင်းလာတော့
သူမရှိတော့ဘူးဆို ”
ပြန်ဖြေတာကတော့ထုံးစံအတိုင်း ဝေဟင်ကျော်ပေါ့ ။
မိုးယံသစ်ကတော့ သူ့သဘာဝအတိုင်းဘာသိဘာသာ။
“ သားတို့ဘယ်သူလဲ”
အသံကြောင့် ထိုအသံလာရာ ခြံဖက်ကို သုံးယောက်သားလှည့်ကြည့်လိုက်တော့ အန်တီကြီးတစ်ယောက် ။
“ ကျွန်တော် စွဲညို့သူငယ်ချင်းဗျ ။
ညို့နဲ့တွေ့ချင်လို့ ။ သူရှိလားမသိ ။ ”
“အော် ..သားရဲ့သူငယ်ချင်းတွေလား ။
ခဏလေးနော် အန်တီခေါ်ခိုင်းလိုက်မယ်”
သူမက ထိုသို့ပြောပြီး ဘေးနားက ခြံစောင့်ဦးလေးကြီးကို စွဲညို့ကိုခေါ်ဖို့အတွက် ပြောနေ၏ ။
ခြံစောင့်ဦးလေးကြီး အိမ်ထဲဝင်သွားမှ သူမက စွဲလမ်းနိုင်တို့ဖက်ကို ပြန်လှည့်လာသည် ။
“အထဲဝင်ကြဦး...သားတို့”
ပြောရင်းဆိုရင်းသူမက ခြံတံခါးလေးကိုအသာဖွင့်ပေးသည် ။
“နေ..နေ..အန်တီ ။ ကျွန်တော်တို့ စွဲညို့ကို ခဏပဲတွေ့ပြီး သွားစရာလေးရှိသေးလို့ ။”
“ဟုတ်ပါပြီ ။ ဒါနဲ့ သားတို့က ကျောင်းမတူဘူးလား?
စွဲညို့က အိမ်ပြန်ရောက်တာကြာပြီရယ် ။ ”
“ ကျွန်တော်တို့တက်တာက ရတနာသုခလမ်းက ကျောင်းလေ ၊ ညို့လည်းလာတက်သေးတယ်
နောက်မှပြောင်းသွားတာ ”
စွဲလမ်းနိုင်ပဲ စိတ်ထင်တာလားမသိ ။
ခုနကအထိ ပြုံးနေတဲ့ အန်တီ့မျက်နှာက တစ်ဖြည်းဖြည်း အရောင်ပြောင်းလာသည် ။
“ဒါဆိုသားက..စွဲလမ်း...”
“ စွဲ...ဘာလာလုပ်တာလဲ”
အန်တီရဲ့စကားမဆုံးသေးခင်
ညို့စကားသံထွက်လာတာကြောင့် ညို့ရှိရာဖက်သို့ ကြည့်လိုက်၏ ။
YOU ARE READING
I'm Not D A D D Y's Son
RomanceJust a Romance....🍀🍀 [ I'm not Daddy's Son, Just Daddy's Baby] [ DADDY × BABY ] / Burmese Character / / Age Gap / START - 24.Oct. 2020 END -
