Rule # 4: Abide By The Rule

Chapter 18

Chapter 18

Kabado akong nagayos sa harap ng salamin, pakiramdam ko'y lalabas na ang dibdib ko sa sobrang kaba.

Lumapit si Axer at niyakap ako sa likod. He wrapped his arms around me tightly. I kissed his cheek and continued applying my blush.

"You don't need all that makeup, babe. Maganda ka na..." he whispered and kissed my cheek.

Ngumuso ako. "Pero, babe. Dapat maganda ako. Diba sabi mo, nandun din mga pinsan mo at mga asawa nila? Dapat matalbugan ko sila!"

He chuckled. "Yeah, everyone but Auntie Celine and her husband. Mom still has beef with her."

Nakwento sa akin ni Axer ang tungkol sa Auntie Celine niya. It turns out his Auntie Celine is Ate Lia's mother. Pinsan ng tatay niya ang Mama ni Ate Lia. Third cousins daw sila ni Liliana Dela Fuentes. Kaya naman pala parang narinig ko na ang apelyidong Arevalo mula sa mga kaibigan ni Kuya dati at kay Derek, tuwing inaasar si Kuya.

His mother is an elite, that's what I heard from his friends when I met them again. Naisipan kong tanungin sila, lalo na si Sersia na medyo nakakasundo ko na. Sabi niya, mahirap daw pakisamahan ang Mommy ni Axer. Kaya daw, pati ang uncle niyang namatay ay mas pinili lumayo sa pamilya dahil sa kanya.

"Paano kung hindi niya ako magustuhan?" Hinarap ko siya.

He tucked the portion of my hair beneath my ear. "Bakit naman, hindi?"

"Kasi... pakiramdam ko napabackground check niya na ako. Oo, aminin ko. Marami akong nakalandian. Marami akong naging boyfriend. Pero bata pa ako noon! At saka, ganon naman talaga pag nag-"

Tinakpan niya ang bibig ko at ngumiti sa akin.

"You don't have to remind me, Ms. Castellano... alam ko naman na maganda ka talaga." he kissed my nose. "That's why I had to compete with a lot of men just to get you."

He leaned in to kiss me, pero iniwas ko ang mukha ko. "Ms. Castellano... hindi ba pwedeng Mrs. Arevalo?"

His cheek blushed as he looked away.

"Here you go again..." lalong namula mukha niya.

"Hala!"

Gustong-gusto ko tuwing inaasar siya dahil ang daling magpula ng mukha nito. He's ten years older than me, but with the way he acts it's like he's still a teenager.

Ano kaya ang posibleng mangyari sa buhay ko kung hindi ko siya nakilala? I bet I would've continued with a lot of boyfriends. Hindi ko rin kasi naisip noon na posibleng magtagal kami ni Derek noon. Siguro... nung time na kami naisip kong pwede... pero ngayon narealize ko na ang lahat.

And the thing with Kenzou... maybe it was just a silly crush. Nasa kanya na lahat ng ideals ko kaya nagkagusto ako sa kanya. But he didn't know how to follow his word.

I sighed heavily. Napansin naman ni Axer ang malalim kong paghinga.

"Sa tingin mo ba talaga... panahon na para ipakilala ako sa Mama mo?"

"Why not? It's been a year since we started dating," Inikot niya ang mga braso sa akin. "And you know, I'm not getting any younger. Sooner or later..." he kissed my neck, and then my cheeks. "As much as I don't want to do this, my mother is a part of my life. If we're going to get married, we'll have to ask her permission."

Married... hindi ko alam kung bakit sa isang salita na iyon ay nag-iba ang pakiramdam ko. Hindi ko alam kung dahil ba sa edad ko o dahil natatakot akong baka mali pala ako sa lahat.

Ang sabi ni Mama, wag daw akong matakot magkamali sa buhay. We are humans and we are naturally flawed. Darating talaga ang araw na magkakamali tayo at hindi daw dapat natin 'tong tingnan sa masamang paraan. We should see it as a lesson, in order to do better and avoid it, the next time.