Unicode
"ကျနော်ပြန်တော့မယ်နော်.."
ကိုကိုနှင့်ရှိနေတာ နည်းနည်းတော့ ကြာနေပြီဖြစ်ပြီး Jimin ကလည်း ကားထဲမှာ တစ်ယောက်တည်း စောင့်နေရတာကြောင့် ပြန်မှဖြစ်တော့မည်
"ပြန်ရောက်ရင် ကိုယ်ဆီ ဖုန်းဆက်လိုက်.."
"ဟုတ်ကဲ့.."
ထိုင်ရာမှထပြီး ခါးကိုကိုင်းညွတ်ကာ ပါးပေါ်ကို နှုတ်ခမ်းချွန်ချွန်လေးနဲ့ ဖျက်ခနဲ လာနမ်းသည်
လုပ်ချင်ရာလုပ်ပြီး ထွက်ပြေးရန်ပြင်နေသောသူကို လက်ကောက်ဝတ်သေးသေးလေးကနေ အားထည့်ပြီးဆွဲလိုက်တော့ ပေါင်ပေါ်ကို အပုံလိုက်လေးကျလာသည်
ရှက်နေသည့်် ခပ်ရဲရဲမျက်နှာလေးက မျက်လုံးလေးအဝိုင်းသားနှင့် ရုန်းကန်လှုပ်ရှားမှုပြုနေတာကြောင့် ခါးကို ဖိဖက်ထားလိုက်ရင်း မျက်စပင့်ကာ ညစ်ကျယ်ကျယ် ပြောလိုက်သည်
"ဘယ်ကိုပြေးချင်နေတာလဲ.."
".."
"မင်း ကိုယ့်ကိုလာလာစွနေတယ်နော်.."
Jungkook လေသံက ကြိတ်မနိုင်ခဲမရဖြစ်နေတဲ့ လေသံမျိုး
''ကိုကိုကလည်း ကျနော်က ချစ်လို့ကို..''
ခေါင်းလေးကို အောက်ငုံ့ချသွားပြီး ရင်ဘတ်ပေါ်ကို လက်ညိုးသွယ်သွယ်လေးနဲ့ ထို့ထိကာ ရှက်ဝဲဝဲလေးပြောသည်
ဘေဘီက ပေါင်ပေါ်တွင် အငြိမ်မနေတာကြောင့် သူအခက်တွေ့နေရပြီ
ပုံခနဲ ပေါင်ပေါ်ကိုကျလာတာကြောင့် အကျီၤက ပုံကျပန်းကျမရှိတော့ဘဲ ဘေးသို့လျှောကျနေတာကြောင့် ညှပ်ရိုးလှလှလေးကို ထင်းခနဲ မြင်နေရသလို ငွေရောင်ဆံပင်လေးတွေကလည်း ဖရိုမရဲ ဖြစ်နေသည်
ထိုအလှတရားတွေက အသက်ရှူမှားလောက်အောင် ဆွဲဆောင်မှုရှိသည် စိုက်ကြည့်နေရင်း Jungkook ၏ လည်စေ့သည် အထက်အောက်ရွေ့လျားသွားသည်
အာခေါင်တွေ ခြောက်လာသည်မို့ တံတွေးမြိုချမိသည် အသက်ရှူနှုန်းတွေ မြန်လာပြီး နဖူးကနေ ချွေးစေးတွေပါပြန်လာသည်
''အခုပြန်လိုက်တော့.. မဟုတ်ရင် မင်းမလွယ်ဘူး..''
ဖြူစင်သော မျက်ဝန်းလေးတွေက ရုတ်ချည်းပြောင်းလဲသွားသော သူ့အမူအရာကို နားမလည်ဟန်ဖြစ်နေသည်
