Unicode
''ဒီနေ့တော့ ကိုကိုက ဘေးမှာထိုင်နော်.. ကျနော်မောင်းမယ်"
တစ်မနက်လုံးပစ်ထားပြီး ညနေစောင်းလောက်တော့မှ အနားလာကပ်ကာ သွားစရာရှိလို့လိုက်ခဲ့ပါဆိုပြီး ကပ်ချွဲပြနေတဲ့ Jeon Vante ကို သူကြည်မနေပါ
"မိုးပဲချုပ်တော့မယ် ဘယ်ကိုသွားဦးမလို့လဲ.."
"ကိုကိုကလည်း အခုမှခြောက်နာရီစွန်းစွန်းကို.. ဒါက မိုးချုပ်တယ်လို့မခေါ်ဘူး အချိန်ကောင်းလို့ခေါ်တယ်''
လက်မောင်းကနေ ဆွဲခေါ်နေတာတောင် တုတ်တုတ်မလှုပ်ဘဲ အင်တင်တင်နှင့် စိတ်မဝင်စားသလိုမျိုး လုပ်ပြနေသည်
''ကျနော့်ကို မရစ်နဲ့ဗျာ.."
မျက်ခုံးတန်းနှစ်ဖက်က အလိုလိုနေရင်း အလယ်သို့ စုကျုံ့လာသည်
သူကပဲ ရစ်နေတယ်ဆိုပဲ.. ရစ်တယ်ဆိုရင်တောင် သိပ်ရစ်ချင်လွန်းလို့ ရစ်နေတာမဟုတ်ဘူး
"သွားမယ်လို့ဆိုနေ.."
အတင်းမရမက ဆွဲခေါ်တော့မှ မလိုက်ချင်လိုက်ချင်နှင့် ပါလာသည် ပြီးတော့ သူပဲကားမောင်းမယ်ဆိုပြီး ရစ်သေးတယ်
တော်တော် ဆိုးတာပါ.. ကိုယ့်အကြောင်းနဲ့ကိုယ်မို့သာ သည်းခံနေတာ.. မဟုတ်ရင် ဒီအချိုးမျိုးလား စိတ်ကောက်ပြပြီးကို တစ်ပတ်လောက် ရစ်ပစ်မှာ..
အခုက အခြေအနေနှင့် အချိန်အခါ မသင့်တာကြောင့် ဆန္ဒတွေကို လည်ချောင်းထဲသို့ မြိုမြိုချနေရသည်
"ဒီကို ဘာလာလုပ်တာလဲ"
စတူဒီယိုရှေ့တွင် ကားရပ်လိုက်သည်နှင့် ကိုကိုက ကျနော့်ကို စူးစူးရဲရဲ ကြည့်လာသည် သူ့မျက်ခုံးတန်းတွေက အလိုမကျဟန် တွန့်ချိုးနေပြီး လေသံကအစ မာတာတာ ဖြစ်ချင်နေသည်
"ခဏလေးပဲ.. ကျနော်နဲ့ခဏလေးပဲ လိုက်ခဲ့နော်..''
ဒီထိရောက်လာပြီးတော့မှ လက်လျှော့ပြီး မပြန်နိုင်.. အစီအစဉ်မပျက်ဖို့ရာ ကိုကို့ကို အထဲသို့ မရောက်ရောက်အောင် ခေါ်ရမည်
''ကိုကို ကျနော့်ကိုမချစ်ဘူးလား..''
Jeon Vante က သိပ်အကိုင်အတွယ်တတ်သည် တစ်ချက်တည်းနှင့် မင်းသဘောဖြစ်သွားမည့် အကွက်မျိုးကို အခြေအနေနှင့် အချိန်အခါသင့်သင့် ပိုင်နိုင်စွာ ထုတ်သုံးတတ်သည်
