Unicode
တံခါးလာဖွင့်ပေးသော Jungkook ကို တွေ့လျှင်တွေ့ချင်း Taehyung မျက်လုံးလေးတွေက ကောင်းကင်ပေါ်က ကြယ်လေးတွေ အများကြီး စုပေါင်းထားသလိုမျိူး တလက်လက် တောက်ပလာသည်
သူနှင့်ဆန့်ကျင်ဘက် Jungkook ကတော့ Taehyung ကို မထင်မှတ်ထားစွာပဲ မျက်စိရှေ့မှာမြင်လိုက်ရသည့်ကြောင့် မျက်ခုံးတန်းနက်နက်တွေက တွန့်ကျိုးနေသည်
"ကိုကို..''
သူက ကိုကိုဟု ချွဲနွဲ့သံလေးနှင့် ချစ်ဖို့ကောင်းအောင်ခေါ်ရင်း ရင်ခွင်ကျယ်ကျယ်ထဲကို ပစ်ပျက်ဝင်ပစ်လိုက်တော့တာပဲ..
သူ့ဆီကို လာကတည်းက စိတ်ဆိုးမြန်မြန်ပြေဖို့ရာအတွက် အရည်ပျော်အောင် ချွဲပစ်မယ်ဆိုပြီး ကြိုတင်ကြံစည်ခဲ့တာပဲဖြစ်သည်
ရက်ပိုင်းမျှကြာအောင် တွေ့လည်းမတွေ့ရသလို အဆက်အသွယ်မရှိခဲ့တောကြောင့် သူ့အနားမှာပဲကပ်နေရင်း ချွဲနေချင်တော့တာဖြစ်သည်
ဒီလောက်ဖက်ထားတာကို ပြန်မဖက်ဘဲ တောင့်တောင့်ကြီးရပ်နေတာကြောင့် Taehyung နှုတ်ခမ်းရဲရဲလေးတွေက အလိုမကျစွာ အရှေ့သို့ အနည်းငယ် ချွန်ထွက်လာသည်
ရင်ခွင်ထဲတွင် မိနစ်ပိုင်းလောက်ကြာအောင် ခေါင်းအပ်ထားပြီး လွမ်းနေခဲ့ရတဲ့ ရူးလောက်ဖွယ်ကောင်းသည့် ယောကျ်ားဆန်ဆန်ကိုယ်သင်းနံ့ကို နှာခေါင်းလေး တရှုံ့ရှုံ့ ခေါင်းလေး တလှုပ်လှုပ်နှင့် လိုက်လံနမ်းရှိုက်မိသည်
စိတ်တိုင်းကျပြီဆိုတော့မှ ဖက်ထားရာကနေ ကိုယ်ချင်းခွာလိုက်ပြီး Taehyung က အိမ်ထဲကို ဦးအောင်အရင် ဝင်သွားသည်
Jungkook က ခေါင်းကိုခါယမ်းကာ ကျစ်ခနဲ စုပ်သပ်ရင်း တံခါးကို ပြန်ပိတ်ပြီးမှ တည်တင်းနေသော မျက်နှာဖြင့် နောက်ကနေလိုက်ဝင်လာသည်
''ကိုကို ကျနော့်ကို စိတ်ဆိုးနေတုန်းလား"
Taehyung Jungkook အိမ်ထဲကို ရောက်ပြီဆိုကတည်းက သူ့အသုံးအဆောင်တချို့ ထည့်ထားသည့် အိတ်အညိုရောင်လေးကို တွေ့တဲ့နေရာတွင် ပစ်ချခဲ့ပြီး တစ်စုံတစ်ယောက် စိတ်ဆိုးပြေဖို့အရေးကိုသာ အစွမ်းကုန် ကြိုးစားအားထုတ်ပါတော့သည်
