Unicode
ကျနော်ကိုယ်တိုင်လည်း ဓာတ်ပုံရိုက်ချင်တာရော ကိုကို့ကိုလည်း စိတ်အပန်းဖြေစေချင်တာကြောင့် ဒီရက်ပိုင်းတွင် တောင်တက်ခရီးလေးစခန်းချသွားဖို့အတွက် အစီအစဉ်ဆွဲခဲ့သည်
လိုအပ်သည့်ပစ္စည်း အနည်းအကျင်းလောက်ထည့်ထားသည့်အိတ်ကို တစ်ခေါက်ပြန်စစ်လိုက်သည် ဘာမှမကျန်ခဲ့တာသေချာပြီဆိုတော့မှ ကင်မရာကို လည်ပင်းထက်တွင် ချိတ်ဆွဲရင်း ထွက်ခဲ့လိုက်သည်
"လမ်းမှာဂရုစိုက်နော်"
"ဟုတ်ကဲ့ မာမီ"
"ရောက်ရင် ဖုန်းလည်းဆက်ရမယ် video call လည်း ခေါ်ရမယ်နော်"
ခရီးထွက်တိုင်း နေမည့်နေရာသို့ရောက်လျှင် ဒီနှစ်ခုက မလုပ်မဖြစ်လုပ်ရတဲ့ အချက်ဖြစ်သည် မာမီရဲ့စည်းကမ်းလို့တောင်ပြောလို့ရသည်
တောင်တက်စခန်းထွက်ဖို့ လိုအပ်သည့်ပစ္စည်းတွေက ကိုကို့ကားနောက်ဖုံးထဲမှာ အပြည့်အလျံ
ခေါင်းစဉ်တပ်တာတော့ သူ့အတွက်ဆိုပေမယ့် သူကပဲ ခရီးအတွက်လိုအပ်တာမှန်သမျှ လုပ်ပေးသည်ကြောင့် ကျနော်က သက်သာသည် သွားခါနီးအိတ်လေးဆွဲရင်း ထွက်လာရုံသာရှိသည်
စခန်းချမည့်နေရာသို့ရောက်လျှင် ကားပေါ်မှဦးစွာဆင်းကာ ကျင့်သားရနေသည့်လက်တို့က လည်ပင်းထက်က ကင်မရာကို ကောက်ကိုင်ပြီးသား
"ဘေဘီ ဖြည်းဖြည်းသွားချော်လဲမယ်"
Jungkook ကားပေါ်က လျင်မြန်စွာပြေးဆင်းလာသည်က ကားတံခါးကိုတောင် ပြန်မပိတ်နိုင်ချေ
စိုးရိပ်စိတ်ဖြင့် အလောတလျင်အော်ပြောသံကို လျစ်လျူရှုရင်း တဖျက်ဖျက်နှင့် ရူခင်းတချို့ကို ဓာတ်ပုံရိုက်နေသည့် Taehyung ရယ်
စိတ်တိုင်းကျ ရိုက်ပြီးပြီဆိုတော့မှ အနောက်ကို ပြန်လှည့်တာတော့ Jungkook က ကားကိုခပ်လျောလျောမှီရင်း လက်ပိုက်ကာ ခန့်ခန့်ကြီးရပ်နေသည်
Taehyung သူ့ကိုမြင်သွားမှန်းသိတော့ မျက်နှာကိုလွှဲသွားပြီး ပါးစောင်ကိုလျှာစောင်းနှင့်ထိုးနေသည်
"ကိုကို"
"..''
"ကိုကိုပြောတာကို ကျနော်ဂရုမစိုက်တာမဟုတ်ပါဘူး''
