نبدأ بذكر الله ::- ﷽
قصة ::- رَيْف
بقلمي ::- الكاتبه توته
حساب الواتباد user84505518
كيف أمحو أياماً لها في عُمق روحي أثر؟
*::*::*::*::*::*::*::*::*::*::*::*::*
فتحت الباب بهدوئ شفت عراضه جيش كامل يمشي وسياره عليها تابوت ''
عيوني ركزت بالتابوت اريد اسيطر علئ وكفتي اريد اقنع نفسي ماكوو شيء موو غالب موو هوه الي بالتابوت
شفت خوانه يتباجون ولابسين اسود يعني هوه مستحيل مايعوفني هوه وعدني كال نبقه للموت سويه ركضت حافيه للشارع نزلو التابوت شمرت روحي عليه واني اصرخ بكل علو صوتي
جلنار : غاااااااااالب لاااااا لااا ماتموت انتَ حلفت نضل سوووويه لاتوووووفني. كووووووم حاجيني لاتيتمني لاتخليني لوحدي ماااالي غيرك كوووووووم فدوووه كوووم لاتسوووي هيج بيه لاتكسر كلبي لاتيتمني
اضرب بالتابوت واصرخ وابجي ملخت روحي وجهي شوهته من الطم. اجت نسوان جوراينه لزموني دخلو للبيت اكوم واطيح علئ وجهي فتحو التابوت اني شفته لوو ماضل حيل بيه
اريدهم بس يخلوني اوصله ملخت النسوان الزلم واكفه يمه وتبجي واني مايخلوني اوصله دفعتهن ورحت عليه حضنته واني دموعي شلالات
جلنار : مابيك شيء ادري ماتعوفني شوف ريف لبست بدلتك الي شتريتها هههه شوف اني هم منتظرتك ترجع موو لبارحه وعدتني اول ماتنزل تاخذني الاهلي تجذب عليه شنوو كوم يلا لاتخوفني عليك يلا كافي شقه كوووووووم حاجيني كوووووم يلا كوووووم.
بعدوني عنه وغطوه شالو التابوت ركضت وراه وكعت علئ وجهي صرخت بصوت احس حنجرتي تجرحت
جلنار : لاتااااااخذونه هااااااذه بيته لاتعووووفني غااااالب
دخت وحسيت الدنيا ضلمت بوجهي فقدت ماحسيت بشي بعد ..
كعدت علئ صوت البجي والنوح راسي موو الي امي وخواني يمي كلهم
ام جلنار : عمت عيني عليج يمه
جلنار : وينه ويمه وييييينه رجع للبيت موو ماخذوه هوه يريد يشوف ريف رررريف وين ريف بنتي وينهاااااا
ام خوله : اهدي يمه هناك بنتج هسه يجيبونها الج.
جلنار : هههه شوفي هاي دشداشه هوه جابها الي كالي بيها ريحت محنتي هوه حنين عليه هواي يحبني بس يحب ريف اكثر مني واني اتعارك وياه علئ هل موضوع تخيلي اغار من بنتي عليه ههههه خابرته لبارحه وكتله اريد اجي عليكم وهوه وعدني ياخذني عليكم وينه وين راح صيحو خلي يجي
ام جلنار : ترحميله يمه خلص مات شهيد
جلنار : لا يمه فدوه لاتفاولين عليه ادري انتِ ماتحبينه بس تحبيني اني اذا صدك تحبيني لاتحجين عليه فدوه لاتزعليني منج
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
