نبدأ بذكر الله ::- ﷽
رواية ::- رَيْف
بقلمي ::- الكاتبه توته
مهم " ⚠️ متابعه + تصويت تعليق بين الفقرات
وإن هزت رياح الياس مركبنا فحسن الظن بالله ينجينا.. ❤️
__________________________&
عثمان : يلا ريف تأخرنهِ بويه
ريف : جايه جايه بس البس حجابي
غصون : عوفها يمه تأخرت علئ شغلك اخلي امير يوصلهنٍ
عثمان : أخلي يوصل ريف !!
غصون : چا شنهي ياكلها
عثمان : صدك تحچين يمه ترديني اخلي ريفي ويه هاذه المسربت بلا گلب السياره بالطريق وصارلها شيء منوو ألوم ومنوو يخلصه مني
غصون : أسم الله ليش تفاؤل عليها بعدين البنيه كبرت يعني موو طفله حته تخاف عليها وتتصرف بهل حرص يايمه هيج حته تضوجها
عثمان : بنيتي ريف ماتضوج من ابوها.
ريف : ها بابا خلصت يلا نروح
عثمان : أصعدي بالسياره وجاي وراج
فرقان : عثمان انتظروني شيء 5 دقايق وأجهز
عثمان : خلي أمير. أو مهاب يوصلج اني تأخرت
طلع للسياره جانت ريف گاعده بالصدر وترتب بالشال علئ المرايه دخل وضلل سيارته
ريف : خلي شباك مفتوح حلو الجو
عثمان : راح نمر م̷ـــِْن المشايه وعالم يشوفونج عيب ميصير
ريف : عادي اصلاً اني أحب اجواء الزياره والمشايه ويمكن أشفولي معجب منا منا هههه
عثمان : ريييييف
فزيت من صرخ بوجهي بلعت ريگي بخوف هوه من نوع بسرعه يضوج ويتنرفز غمض عيونه وسحب نفس لزم ايدي وكال
عثمان : شنوو هل كلام موو عيب تردين شباب تباوعلج ؟
_لأ والله موهيج جنت اتشاقه وياك
عثمان : تدرين بيه ماحب هل شقه بعد لاتعيدينها
هزيت راسي بأي باس ايدي وساق اعرفكم عني بما انو صرت جبيره وكد المسؤليه ههههه
أسمي ريف عمري حالياً 18 سنه طالبه سادس علمي ربيت عد بيت خالي جابر من اني طفله عمرها 5 سنوات
جنت ارتعب من كلشي حولي لأن اهلي ماتو واني طفله كلش صغيره وماعرف شنوو الحياة اصلاً بقه البجي والصراخ مطبوع بذاكرتي
دائماً افز من نومي اصرخ واصيح بأسم امي رغم اني ماتذكر هواي أمور عن طفولتي
كلشي اتذكره هوه بيت خالي جنت اخاف من الكل وموو كل شخص احجي وياه بس عثمان جان وياي خطوه بخطوه
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
