نبـدأ بذكر الله :- ﷽
روايـــــــة :- رَيْف
بقلمـي :- الكاتبه توته .."
"لم يعد هنالك وقت لننسى الألم كبُرنا فجأةً والعمرُ مرَّ سريعا."
::*:'*::*::*::*::*::*::*::*::*::*
ريف : مر فترا علئ خطوبتنه اني وعثمان احلا واجمل ايام.
عثمان صار ابد ميتقرب مني حته ماضوج من وهذاك اليوم مرتاحه ڪلش لان يتفهمني ومايضوجني بشي.
بدات الامتحانات باخر فترا اني تركت المدرسه فترا تقريباً
اسبوعين اني ممداومه اخذني عثمان للمدرسه وحجه ويه المديره بالڪوه وافقت ترجعني امتحن ڪلتله فصلت اسمها وعتبرتها تركت لأن سجل الغياب هواي صار عليها.
المهم رجعت لدوامي واستقرت حياتي تقريباً اعمامي ماعرفت أي شيء عنهم بعد ولاسمعت خبر عنهم
حته ماسألت عثمان عليهم انسجنو لا ايمن ڪعد من الغيبوبه.
ڪعدت الصبح ڪمت بسرعه غيرت ملابسي لبست ملابس مدرسه متأخره واليوم عندي امتحان نمتحن نصف السنه.
نزلت اركض لڪيت الكل ڪاعد يتريك وعثمان مموجود وياهم
_صباح الخير
الكل : صباح النور
جابر : شبيج بابا وجهج اصفر مريضه؟
_لا بابا بس ليوم عندي امتحان ڪلش صعب وتأخرت خايفه يفوتني وين عثمان يوصلني
امير : اني اوصلج عثمان اتصلو عليه من المركز وطلع بشغل بغير محافظه وصاني عليج كال توصلها وترجعها.
_ها شو ماكالي المهم وصلني هسه
غصون : تريكي يمه
_لاماريد مالحك عود اشتري شيء مناك
ام جلنار : اخذها حبوبه لايفوتها الامتحان
هز راسه بأي اخذت جنطتي وطلعت وياه للسياره اخذ سيارة خالي لان هوه معنده سياره شارطله خالي من يتخرج يشتريله.
امير ; عندج فلوس لو انطيج؟
_لا عندي ماريد
امير : يلا بعد احسن اصلاً ماشايل هواي فلوس ومواعد حبيبتي ليوم خاف يخلصن واتفشل ڪدامها
_ههههه لا والله
امير : وداعتج
_ومنوو هاي البنيه نعرفها احنه
امير : مخبل ارتبط بوحده عرف وياي بالجامعه فد مؤدبه وحبابه وكله تلبس عبايه وماتشيل عينها ابد
_لاتغشك المضاهر البنات موو بالبس تلكه بنيه سافره وهيه اصل الشرف والعفه.
امير : صحيح بس اني عاجبتني
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
