نبـدأ بذڪر الله :- ﷽
روايـــــــة :- رَيْف
بقـلمـي :- الڪاتبه توتـه .."
نكتفي بالصَمت هُناك حِكاياتٌ لا تُحكى .. !🖤
::*::*::*::*::*::*::*::*::*::*::*
طيف : ڪومي يمه غسلي وجهج وصلي اذكري الله { اَّلذينَ آمَنوُ وتَطمّئن قُلوُبهم بِذكْرِ الله ألا بِذكِْر الله تطمئن الْقلُوب.
_مابيه شيء لاتبچين
طيف : شلون ماترديني ابچي وانتِ هيج حالتج
مسحت عيوني من الدموع حيل وكمت علئ حيلي ابتسمت الها بهدوئ.
_شوفيني مابيه شيء رايحه اسبح واصلي
طيف : ايي يمه فدوه رحت لعيونج ڪومي افتري تحرڪي
هزيت راسي بأي عفتها وصعدت لغرفتي داخلي انهيارات فراغ موو طبيعي كارهه كلشي وماحب اسوي اي شيء
ڪلشي اريده اڪعد وحدي بعيده عن ڪلشي ماريد اسمع صوت
بس شكل امي ودموعها دمرني ماكدر اكسرها اكثرر لآزٍمٍ اقوي نفسي
واحاول أتخطا الصار وياي واعيش حياتي طبيعي.
اخذت ملابس من الكنتور ودخلت سبحت اباوع علئ نفسي وانهار جسمي بيه اثار! .
دموعي ماسيطر عليهن من اشوف شكلي احاول اكون قوويه ماكدر بچيت بچي ماصاير احس عيوني طفت.
اخذتلي ساعه ڪامله بالحمام ڪملت لبست وطلعت جان انصدم مهاب بغرفتي ڪاعد علئ السرير ويكلب بجهازه من طلعت عينه صارت بعيني نزلت راسي بسرعه خجلانه من نفسي وحيل متوتره
مهاب : نعيماً
_شجابك
مهاب : ليش؟
_هيج سؤال شعندك بغرفتي
مهاب : اجيت اشوفج بالي يمج شلون صرتي
_زينه لايضل بالك الحجيه شلون صارت
مهاب : شويه احسن لبارحه بيتوها بالمستشفش والصبح خرجوها وهسه بالبيت
_ياا خطيه هسه زينه
مهاب : اي الحمدالله
_يالله
مهاب : تعاي يمي ليش مبتعده هيج
_شتريد مني؟
مهاب : هههه شبيج نيڤين تخافين مني بويه هذا اني مهاب ماتعرفيني شنوو!
_مهاب مايصير تدخل غرفتي وتتقرب مني واني لحد هسه ماصارت مرتك ولايربط شيء بينه.
مهاب : هسه اني شمسويلج
_ممسوي بس
مهاب : باوعيلي ليش تحچين ومدنكه راسج تستحين مني اطلع من الغرفه اروح؟
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
