نبدأ بذكر الله :- ﷽
روايــــــــة :- رَيْف
بقلمـي :- الكاتبه توته .."
"الزعل على كد المعزَّة، مو على كد الغلط
::*::*::*::*::*::*::*::*::*
طيف : هاا يمه شلون صرتي
_الحمدالله زينه
طيف : اجيبلج شيء تاكلينه؟
_لا ماشتهي
طيف : مايصير لازم تاكلين علمود علاجج
_خاله فدوه لعينج لاتجبريني ماشتهي شيء.
طيف : تمام ع راحتج رايحه اشوف انور وين راح علمود نخرجج من المستشفى
هزيت راسي بأي عافتني وطلعت من الغرفه بقيت صافنه بفراغ ماعرف شنوو الي راح يصير بيه بعد اكثرر تعذبت بكل انواع العذاب الاهل والحب الزواج كلشي
...
انور : هاا شلونها
طيف : موزينه ماترضه تاكل وكل الوقت تبجي احجي ليش سويت هيج بالبنيه ولك يمه والله ماتوقعت تطلع هل سالفه منك عود هذا انتَ الفاهم والعاقل طلعت حالك حالهم
انور : غلطه كلشي صارر غلطه والله اني موو هيج الحقد والكراهيهه عمه عيوني كلشي جان يدور براسي هيه سبب معانات نيڤين وسبب بكل هل مشاكل بس طلعت غلطان هيه مظلومه مثل نيڤين واكثرر بعد
طيف : شلوون مجاي افهم؟
انور : طلع كل حجيهم جذب وفاهمين كلشي غلط بغلط وهيه بعدها بنيه اني اول شخص اخذها.
طيف : چا شلوون يگولون ابن اخوي ماخذ شرفها واتهمو بهل اتهام؟
انور : السالفه طوويله ومعقده ماكدر اشرحلج كلشي هسه بس اكلج شغله وحده نيڤين راح ارجعها الج واخلصها منهم لان راحت الهم ظلم فوك اغتصابها و ظلمها صالحنه بيها وبتهم كلشي ممسويلها الحق ويانه هسه اكدر ارفع عليهم قضيه واجرجرهم بالمحاكم حته اني تنزل عني القضية اكلهم اتهمونه بتهام باطل وابنهم انقتل بسبب عركه عشاير وماعدهم اثبات عليه.
طيف : كلشي مافتهمت بس رجعلي بنتي وكلشي ماريد منكم بعد عوفونه بحالنه.
انور : ارجعها الج والله ارجعها بس خليني اول اراضي هنادي واخليها توكف وياي حته اذا قدمت ابلاغ تكون هيه من طرفي اذا صارت ويه اهلها احتمال يقنعوها تحجي جذب وتثبت القضية علينه ونخسر كلشي.
هزيت راسي بأي واني كلشي مافاهمه السي الوحيد الي اقتنعت بيه انو بنتي ترجع لحضني متاكده هسه هيه ممرتاحه اعرفها زين
انور : راح اشوفها حته نخرجها من المستشفئ.
هزيت راسي بأي عافني ودخل للغرفه بقيت ڪاعده بالممر اتصل جهازي جان مروان فتحت خط عليه
طيف : الوو
مروان : الوو ها بويه شلونكم
طيف : الحمدالله
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
