نبـدأ بذڪر الله :- ﷽
روايــة :- رَيْف
بقلــمي :- الكاتبه توته .."
باچر من ترِد ما تلگة شي موجود
تلگة الوَرد ذابل والأرض صَحرة
تلگاني مَدينة مسددة البيبان
بيها الگمر ميت والشمَس حَمرة
::*::*::*::*::*::*::*::*::*::*
ڪام عثمان من شافني اني شفته حسيت بأمان الشخص الوحيد الي ڪل ماكون وياه احس براحه
نزلت اركض من الدرج حضنته بكل قوتي واني ابجي واشهك احس روحي تشتكيله ضمني عليه بقوه وهوه يهمسلي بأذني
عثمان : اششش ڪافي لاتبجين هايني اجيت لاتخافين اني يمج "
_عثـ ء عثمـ عثمان
عثمان : يلا تعاي نروح ڪافي لاتبجين باوعيلي ريف.
رفع راسي يمسح دموعي ويهدي بيه شويه رتاحيت سحبت نفس بقوه لزم ايدي ڪعدني يمه.
عثمان : الف الحمدالله من طلعت انتَ بطريقها مادري شلون اجازيك
ثائر : لا عمي اني الي ماعرف شلون اجازيك مانسه وكفاتك ويانه ويه ابنه.
عثمان : الله يرحمه جان بطل.
حره : ماتخليها يمنه ترتاح شويه
عثمان : حجيه انتَ تدرين بيه طريقي طويل وماكدر ارجع كل يوم لازم ترجع انشالله ع يوم نجيكم.
حره ; هلا بيكم شوكت ماتجون
هز راسه عثمان ضاهر يعرف هل عائله اني ڪاعده واعصر بايدي باوعلي بهدوئ وكال
عثمان : يلا نروح
ڪمت وياه انطتني الحجيه جبه لبستها وطلعنه صعدت بالسياره واني خايفه مادري شلون احجيله عن الموضوع اخاف احجي وادخل مشكله ثانيه يمكن ميستقبلني بيته اذا حجيت.
صعد وساق بقيت ساكته ماحجيت شيء هوه هم ساكت ضاهر ضايج مني وميريد يحجي اباوعله صافن بالطريق ويدخن.
بداخلي ڪلام هواي وعتاب ليش سوه كل هذا بيه.
عثمان : اشوفج عفتي اعمامج الي تتباهين بيهم ڪدامي !؟
درت وجهي عليه من ڪال هيج ميعرف شصار بيه ويحجي هيج بلعت ريكي و
مجاوبته بقيت ساكته ابتسم وهز راسه سحب نفس من الجكاره وكال
عثمان ; خسرتيني "
ڪل كلمه يحجيها تجرحني فوك ضيمي كلامه جنت منتظره منه يضمني لصدره يخليني بأمان احس غلطت يوم فكرت ارجعله جاي يعيرني بكلشي صار.
عثمان : ساكته ماعندج حجي تحجينه موو ؟
نزلت دموعي بصمت خليت اديه ثنينهم علئ وجهي وبجيت ڪلها واكفه ضدي اني شنوو ذنبي بكلشي ديصير ليش هيج حياتي انكلبت فوك تحت
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
