رَيْف

part(8)

نبدأ بذكر الله : ﷽

روايـة : رَيْف

بقلمي : الكاتبه توته

مهم "⚠️ تصويت + تعليق بين الفقرات متابعه لحسابي user84505518

أرى شخصً على المرأة يُحُبَني
وما أجمل حُبِ الذات للذاتِ

:::::*::::*:::::*:::::*:::::*::::::*:::::*

دخلنه سويه للبيت انصدمت واني اشوف ابوي كاعد وياهم شافني فتح عيونه بصدمه وكام من مكانه اني حسيت رجليه صارت خيوط

رجعت خطوات ليورا واني خايفه صرت بظهر مهاب همست بصوت يرجف

_مهاب

مهاب : لاتخافين اني وياج

بلعت ريكي بخوف اجه ابوي وياه رجال بكده علينه بقيت اني منزله راسي واعصر بأيده بخوف ماعرف شنوو راح يسوي ابوي بيه

مروان : مهاب شديصير

جابر : منوو هاي البنيه بويه ؟

مهاب : خالي جبتها تتعرف علئ خواتي او..

مروان : أحنه شحجييينه مهاااااب

مهاب : اعتذر منك بس حبيت اخلطها ويانه اشوفها لوحدها

مروان : كدامي للسياره حسابج بالبيت

جابر : فهموني شكوو ومنوو هيه

لزم ايدي مهاب بقوه وباوع بعيون ابوي بثقه وگال ..

مهاب : لا خالي ضميتها سنين متگدر تضمها هسه هيه هم بتنه وعادي اذا تجي يمنه 5 دقايق وانتَ تعرفني زين ماسوي شيء يضرها

مروان : انتَ كسرت كلامي وثقتي بيك ولكم بس هل موضوع كتلكم اسكتو عنه ماعرفتو تسكتون تنفجر بطونكم اذا ماتحجون

جابر : مروان شبيك انتَ تخبلت غير نفهم شكوو ومنهي هاي البنيه

مروان : امشي

لزمني من ايدي يريد ياخذني سحبني منه مهاب وخلاني وراه وكف كدامي وكال

مهاب : ليش خايف تعترف بنتك

مروان : مهاااااااااب

جابر : بنته منين ..؟

مهاب : بابا بعدين افهمك كلشي.

جابر : شنهي زعطوط كدامكم ماتحجولي

مروان : اني رايح ويصير خير

عافنه وطلع من البيت بجيت من وضعي ليش موو راضي يعترف بيه گدام شخص ليش يخجل مني نزلت راسي وبجيت طلع مهاب يركض ورا ابوي لزمت ايدي بنتهم فرقان وگالت ..

فرقان : أهدي حبيبتي ولاتخافين اكيد مراح يصير شيء هسه ضايج يهدئ ويرجع والله

جابر : تعاي بويه عليمن هل دموع خيولي ابوج مسودن اني ابوج تعاي وياي