نبدأ بذكر الله : ﷽
رواية : رَيْف
بقلمـي : الكاتبه توته
اول مره اعَبر من ضباب الجام لأ اسمك كتبتة ولا عفت ذكرئ 🤍 !
::*::*::*::*::*::*::*::*::*
رسل ; أشتغل رقاصه بالملاهي
فتحت عيوني مصدومه من ڪلامها احس انضربت علئ راسي يعني طلع ڪل كلام عثمان صح
قبل سألته عنهم ڪال موزينين وبناتهم تشتغل بالملاهي ومسويات وشم بكل جسمهم ..
رسل : ههههه شبيج شو سڪتي
_تحچين صدڪ لوو تشاقـين !!
رسل : ليش شبيها الشغل موو عيب
_انتِ مخبله تشتغلين رقاصه؟
رسل : ايي من اني عمري 16 اشتغل بهذه الشغل
_اهلج شلوون قبلو يخلونج تشتغلين هيج شغل
رسل : ههه اهلي يا أهل التحجين عليهم ريف بعدج ڪلشي متعرفين عن عائلتنه ڪل واحد يمشي ورا مصالحه يعني هاي امي تبيعني أذا شخص قدم الها كم فلس وابوي كذالك
فتحت حلڪي علئ ڪلامها معقوله اكو هيج ناس شهل حياة الوصخه العايشين بيها
رسل ; شحجيلج عنهم قليل وراح تنصدمين انتِ ليش اجيتي لهنا.
_علمود عثمان ماينسجن
رسل : تحبينه؟
_ڪل حياتي هوه بس ماحبه حب زواج وهيج لا اعتبره عائلتي ملجأ الي احس براحه وسكينه وياه.
رسل : تدرين احسد ڪل ثنين يحبون بعض لأن اني هسه حته مايحقلي آحـب
_ليش؟
رسل : حياتي وعيشتنه واسلوب اهلي هواي امور متخلي أي شخص يحبني
_انتِ مبهذله نفسج شنوو هذا البس وليش مسويه وشم علئ جسمج.
رسل : انجبرت هيج البس وتعودت وانتِ ڪم يوم ويخلونج تصيرين حالج حالنه بس يخلصن فلوسهم
_شقصدج
رسل : نامي هسه بعدين احجيلج
_لٱ اوكفي فدوة ابقي يمي اخاف لوحدي
رسل : بس خليني اسبح وابدل واجيج
هزيت راسي بأي عافتني وراحت للكنتور اخذت ملابس وراحت تسبح بقيت اعصر ايد بأيد دايخه وراسي مسطور سطر و ڪلامها خلاني انسطر اكثرر
معقوله هيج اعمامي ناس وصخين بحيث يخلون بناتهم تشتغل بالملاهي حته تصرف عليهم.
شهل منطق والتفكير العدهم شلون يقبلونها علئ نفسهم.
شويه ودخلت عليه جمانه رسل احسن شويه حبابه هاي من اجيتهم وهيه ڪالبه وجهه.
جمانه : ها عيني بطلتي مناحه
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
