نبـدأ بذڪر الله :- ﷽
روايـــــة :- رَيْف
بقلمــي :- الكاتبه توته .."
تلاكينه بس شلون ملكه
نضحك لجن بلضحكه حركه
وصار المعاتب بس بلعيون
وكلمن عيونه تريد حكه 🖤."
::*::*::*::*::*::*::*::*::*::*::*
تقدمت نحوي الحمام واني رجليه يرجفن مديت ايدي علئ الباب وفتحته انصدمت من المنظر فتحت حلكي مصدومه
جانت هنادي واكعه علئ الارض والدم تارس جسمها ترس عبالك مذبوحه
صرخت بصوت عالي ورحت اركض عليها حرت شسوي اديه ترجف
شلتها من الارض خليت راسها بحضني اضرب علئ وجهه اريدها تحاجيني
طيف : هناااادي يمه اسم الله شجاج شنوو هذا الدم دخيلك ربي كوومي حاجيني فتحي عيونج تليفون وينه وينه انور
سحبتها بالكوه طلعتها من الحمام خليتها علئ ارضيه الغرفه ونزلت اركض اخابر انور ملابسي انترست دم
بعدني علئ الدرج اندك الباب رحت اركض فتحته جان انور فتح عيونه مصدوم من حالتي.
انور : ياستار يارب شبيج خاله
طيف : الحك يمه مرتك مرتك مدري شبيها كلها دم
فتح عيونه علئ وسعهن عافني وصعد يركض للغرفه لحكته واني جسمي كله يرجف
راح انور شالها من الارض ونزل بيها واني وراهم جبت عباتي وطلعت اركض خلاها بالسياره وساق بسرعه
انور : فء. أ فهمني خاله شصار شسوت؟
طيف : والله مادري يمه انتَ مو طلعت الصبح اني ماصعدت عليها صارت ساعه بـ 11 ڪلت اشوفها شو تأخرت بالنومه لڪيتها بهل حاله.
خله ايده علئ راسه وهوه يسحب نفس بقوه يباوعلها بقهر.
انور : لا لا عفيه ماكدر اتحمل هل ذنب لاتسوين هيج بيه.
طيف : شمسويلها انور؟
انور : ڪله مني اني السبب
طيف : شنوو
انور : بعدين افهمج خاله
طيف : لأ هسه تحجي شمسوي للبنيه
انور : طلعت عذراء ولبارحه ..
طيف : شنوو چا وحجي اهلها شنوو وشلون مجاي افهم شيء بعدين انتَ شسويتلها وخليتها وصلت لهل حاله
انور : شلون احجيلج ماتكليلي
طيف : خلي نوصل ويصير خير ابوك هوه الي يتفاهم وياك حالك حالهم فلا بيكم واحد زين.
هز راسه بأي ڪمل سياقه وصل للمستشفئ طلعو سديه اخذوها بيها للطوارئ.
بقينه منتظرين بالممر الف سؤال براسي اذا بعدها بنيه شلون اهلها هيج يحجون يعني يردون بس يبرون نفسهم ويطلعون من السالفه راحت نيڤين الهم علئ جذبه؟
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
