نبـدأ بذڪر الله :- ﷽
روايــــــة :- رَيْف
بقــلمـي :- الكاتبه توته .."
لا لـگينه بنادم يحبنه اعله گـدنه
ولا لـگينه گـلوب تستاهل صدگـنه ...💔
::*::*::*::*::*::*::*::*::*
دخل مهاب للبيت انصدمت من شفته وڪوفت علئ حيلي واني صافنه جان وجهه عرگان وعيونه حمرر دم والغضب مبين بعيونه.
الشيخ عاد اڪثر من مره مجاوبته بلعت ريكي بخوف واني اباوعله اجاني گبل لزم وجهي بثنين اديه ركز بعيوني وكال
مهاب : شتسوين نيڤين هيج بڪل هل سهوله توافقين تنسين حبي الج ماتحبيني انتِ ماتحبين مهاب.
_روح منا مهاب شتسوي
مهاب : اجيت اخذج المفروض اليوم خطوبتنه موو مشتري ڪلشي ومجهزه شنوو هذا شتسوين وليش لابسه اسود هسه تروحين تلبسين بدله ورديه تلوگ عليج يلا تعاي وياي.
شكله موو طبيعي وضاهر شارب ممركز وعيونه حمر
طيف : تعال يمه اكعد هنا رتاح شصاير بيك
مهاب : خاله انتِ اڪثر وحده تدرين بيه شڪد احبها شلوون ترضين تنطيها الهم مافكرتي بيه ..؟
طلع ابوي من الاستقبال ضايج لأن مجاوبت شاف مهاب انصدم سد الباب واجه علينه
مروان : مهاب شتسوي هنا
مهاب : اجيت اخذ مرتي انتَ شعليك
مروان : يامره بويه روح منا لاتسوي مشاكل اكثرر.
مهاب : انتَ ماتستحي تنطيني كلمه وترجع تاخذها مني؟ اني موو ابن اختك مووو امي تصيررر اختك ماعرضن عيووون امي ڪداااااامك ليشش ماخذذذهااااا منيييي منووو هوه وياخذها مررتي نيڤين مررررتي
مروان : ناس ڪاعده اطلع برا وصيح
مهاب : وييينهم انيي جااااي عليهم خلي يسمعوووون مررررررتي نيڤين مرررتي ماخلي يوصلها.
اجه مهاب يصيح ويريد يدخل عليهم سحبه ابوي من ايده واخذه يدفع بيه للغرفه رحت اركض عليه احس ڪلبي انعصر عصر عليه دموعي ترست وجهي ورجليه ماتن.
مهاب : عووووفني وخررر تستحي منهم بس ماتستحي منييي ليش تسووي هيج خايف منهم تخاف يسجنونك اني اطلعك ابيع كلشي عندي واطلعك والله ماخليك بالسجن بس لاتنطيها خالي نيڤين بروحي والله ماكدر اشوفها تروح مني اسوي جريمه وادخلهم مصيبه ثانيه باوع هيه هم تبچي ادري بيها مجبوره ادري بيها تحبني موو نيڤين موو.
مروان : اشششش شبيك تخبلت اهدئ كاافي
لزم ابوي مهاب من راسه يحاول يهدي بس هوه متخبل ميعرف شيسوي دفع ابوي عنه واجاني سحبني من ايدي عليه حسيت اصابعه نبتن بزندي
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
