نبدأ بذڪر الله :- ﷽
روايـــة :- رَيْف
بقـلمي :- الكاتبه توته .."
كانت تتلاعب بمشاعري وأنا في كل ركعه أتمناها! 🖤
:*:*:*:*:*:*:*:*:*:*:*:*:*
صعد هوه وساق متوجهين لمحافظه بغداد خليت راسي علئ الشباك ڪلبي مقبوض ومختنڪه ڪلش ..
خايفه من هذا تصرفي ماعرف شنوو الي راح يصير ولؤي راح يحذف البصمه أو لا.
مَآعِرَفت عثمان طلع لوو يجذبون عليه شلت راسي من الشباك وباوعت علئ عمي وڪلت ..
_عثمان طلع؟
صادق : أي عمي طلع
_والله
صادق : مامصدكه شنوو
_لا بس
صادق : هسه راح اخابر لؤي واحجي وياه انتِ
طلع جهازه واتصل علئ لؤي فتح خط انطاني الجهاز خليته علئ اذني بدون ماحجي شيء.
لؤي : الوو ها بويه
_الو
لؤي : هلا ريف اجيتي ويه بوي مو
_أي
لؤي : ڪلش زين منتظرينج
_ليش انتَ هسه بغداد؟
لؤي : أي من الصبح رحت اول ماخلصت المحكمه وطلع عثمان اني رحت
_عثمان طلع
لؤي : أي طلع وهسه بالبيت
_حذفت البصمه؟
لؤي : لأ من توصلين احذفها ڪدامج
_تمام
سديت الخط منه خوف وتوتر بداخلي موو طبيعي حته لعبت نفسي واحس روحي راح اتقيئ من الخوف.
صادق : شبيج عمي وجهج صارر اصفر شڪالج لؤي
_ماڪال شيء لعبت نفسي ممكن توكف السياره
صادق : أي هسه
وڪف السياره علئ طريق عام ومنطقه شبهه الصحراء نزلت بسرعه من السياره كبل تقيئت احس طلعت عيوني استفرغت ڪلشي بطني اباوع علئ اديه ترجف جسمي ڪله صارر عبالك سعفه
جابلي بطل ماي غسلت وجهي وشربت منه شويه صرت زينه
صادق : تلعب روحج من السفر شنوو
_لا بس لعبت نفسي
صادق : يلا اصعدي راح اخلي الجام مفتوح يدخلج هوئ.
هزيت راسي بأي ڪمت واني اباوع حواليه رغم مشينه مسافه ڪلش طويله خايفه يطلعلي عثمان بشي مكان.
صعدت بالسياره رجع ساق فتحلي الشباك خليت راسي علئ طرف الشباك وغمضت عيوني وغفيت ..
فزيت علئ طسه بالسياره ارتدم راسي بالكشن خليت ايدي علئ جبيني بوجع
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
