نبـدأ بذڪر الله :- ﷽
روايـــة :- رَيْف
بقـلمي :- الكاتبه توته .."
انـه الحسرة الچبيرة الـ بين القلوب
آنـه الما يدري شنهو وليش متعوب ..؟!
:*:*:*:*:*:*:*:*:*:*:*:*:
سيلين : عثمان رجعت؟
فز بسرعه وكام من يمها وهوه فاتح عيونه حيل مستغرب راح بسرعه شغل الاضويه ..
عثمان : سيلين !!
سيلين : أي سيلين شبيك مستغرب عبالك شايف جنيه
عثمان : شتسووين بغرفة ريف؟
سيلين : عادي نمت بيها اصلاً بعد ماتعتبر غرفتها لأن راحت
عثمان : شوفي اعصابي تالفهه هسه اطلعي بسرعه لافرغ ڪل غضبي بيج اطلعييي برااااا
سيلين : عادي احجي صيح عليه المهم ترتاح شوف عثمان ريف شلون عافتك تأكد محد تحبك بڪدي
عثمان : استغفرالله ربي اني شحجيت ڪتلج اطلعي ويدير بالج مره ثانيه تتدنين اغراض ريف دير بالج.
سيلين : بعد ڪلشي سوته بيك معتز بيها شحصلت من ريف؟ هاا ڪلي شحصلت خانتك وغدرت بيك وراحت لعامامها العافوها وصافحت لؤي وهيه تعرفه ڪلش زين موزين
لزمها من ايدها بقوه ودفعها علئ الباب غمضت عيونها بألم
عثمان : لسانج اكصه اذا تجيبين طاريها خليها تخون تغدر تعوفني هل شيء ميخصج واريح بالج و ڪلبج ريف بعد مالها مڪان لا بڪلبي ولا بيتي ختارت الحياة الي تناسبها مع هذا كله مارضه أي مخلوق يمسها بحجايه يمكن شافت راحتها وياهم واني عندي راحتها اهم من ڪلشي خلي شغله وحده بالج عمري ماحب البنيه الخفيفه والي تركض وره الزلم لأن اذا ليوم ركضت عليه باجر تركض علئ غيري وهسه اطلعي برا ماريد اشوف وجهك ڪدامي.
سيلين : هههه والله عثمان بهذا كلامك صدك ضحكتني تڪول مالها مكان بكلبك وانتَ صارلك ساعه تحجي وياي عبالك هيه المهم علئ راحتك اني مو خفيفه ولا راكضه علئ زلم بس ڪلبي الاغبر حبك وياريت ماحبك لأن ماتستاهل هل حب وحقها ريف لوو عافتك لان ماتستاهل حب انتَ ولا تقدر الانسان الي يقدملك ڪلشي تركض ورا الشخص الي يهينك ڪدام الكل ويضحك عليك وينزل من كرامتك.
ضربها راجدي دار وجهه للصفحه الثانيه جرها من شعرها وطلعها من الغرفه دفعها وڪعت علئ الارض سد الباب وبقه بغرفة ريف ڪعدت علئ الارض وهوه يتنفس بقوه خله راسه علئ الباب وهوه يتذكر ڪل كلمه حجتها.
عثمان : هيج اني ماستاهل؟
____
فرقان : جنت نايمه بغرفتي اسمع صوت شهكات فزيت خايفه شفت سيلين ڪاعده علئ القنفه الي بغرفتي وتبجي
_شبيج سيلين ؟
سيلين : فرقان والله تعبت
_ولج شڪو شصار فهميني منوو وياج
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
