نبـدأ بذڪر الله :- ﷽
روايـــــــــة :- رَيْف
بقـلمي :- الڪاتبه توتـه .."
هل كان التخلي عني سهلاً إلى هذا الحد ..؟
::*::*::*::*::*::*::*::*::*::*
دخلت بيبي للغرفه ڪعدت علئ حيلي واني اباوعلها بخوف باوعتلي بنظرات حاده سدت الباب ودخلت.
ام جلنار : وين رحتي؟
_ها هوه رحت ويه مهاب للمركز.
ام جلنار : شتسوين
_قدمت ابلاغ علئ اعمامي
ام جلنار : چا موو هذول نفسهم اعمامج الرحتي عليهم هسه صرتي ماتردينهم شنهي.
بلعت ريكي بتوتر ودنكت راسي اجت ڪعدت علئ طرف الجربايه خله العوجيه كدامها سادنه ايدها عليها.
ام جلنار : من شوكت انه مالي كلمه عدج وتصرفين بكيفج.
_اسفه والله بعد ماسوي شيء يضوجج
ام جلنار : شنوو الخلاج ترحين بدون علمي
_علمود عثمان رحت والله
ام جلنار : عثمان گالج روحي عليهم ..؟
_لأ ماگالي روحي بس لؤي جان عنده بصمة صوت علئ عثمان اثبات قوي يخلي ينسجن ويخسر رتبته وشغله وخفت من كلامه وكالي اذا ماتجين علينه يسجنه ونجبرت اروح.
ام جلنار : وترحين تصرفين بكيفج ماتاخذين رأيي او رأي خالج تلعبين بذيلج
_اعرف غلطت والله بس مجان گدامي خيار ثاني
ام جلنار : ايمن مهنو الضربه؟
رفعت راسي اباوعلها بخوف بقيت اعصر باصابع ايدي مَآعِرَفتّ شنوو اگولها
ام جلنار : ماتحچين ولج
_احچيلج بس ماتصيحين عليه؟
ام جلنار : أي احچي
_اني ضربت ايمن علئ راسه بـ المزهريه
فتحت عيونها بصدمه ضربت العوجيه علئ الارض وحجت بعصبيه
ام جلنار : شسووويتي ولج ليش تضربينه
_جان ناوي يغتصبني
شهكت وكامت علئ حيلها لزمتني من ايدي بقوه حسيت اصابعها سجاجين صارن بزندي.
_آي ايدي
ام جلنار : اغتصبج ولج رييييييف لاتجلطيني شسووولج احچي.
_بيبي ايدي توجعني اااي
ام جلنار : انه صوج بيه شلوون انطيج مجال تلعبين بكيفج هذيج نيڤين شفتي شصاار بيها.
_ماخليته سوالي شيء والله ضربته
ام جلنار : ومكيفه وتحچيها مامخليته چا لوو مخليته لاعب بيج احسن
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
