نبدأ بذكر الله ::- ﷽
روايـة ::- رَيْف.
بقلمي ::- الكاتبه توته.
* * *
حساب الواتبادuser84505518
أسوأ ما قد يمر على الإنسان أن يحزن من نفسه وعلى نفسه ..🔥🌬️
::*::*::*::*::*::*::*::*::*::*
دزيتها اله خليت ايدي علئ ڪلبي يدك بسرعه لازمه الجهاز ومنتظره رد منه فزيت علئ صوت الباب يندك بقوه.
وڪع الجهاز من ايدي علئ الارض خليت ايدي علئ حلڪي خايفه عبالك مسويه جريمه واني كلشي ممسويه بس من الله اخاف من ڪلشي وانرعب صارر الباب يندك اقوه
عثمان : رييييف شبيج حاچيني ليش قافله الباب عليج انتِ بخيرر
اخذت الجهاز من الارض شمرته علئ الميز سحبت نفس بقوه ورحت فتحت الباب اله بقه صافن بوجهي مستغرب
عثمان : شبيج ليش قافله الباب عليج؟
_هوه جـنت شسمه .. ابـدل
باوعلي من فوك الي تحت شافني بعدني ملابسي مابدلتهن بلعت ريڪي بخوف رفع حاجب وڪال
عثمان : تجذبين عليه ؟
_لأ والله بس شوف شسمه هوه لبست ملابس قصيره جربتهن او بعدين جنت دانزع وانتَ دكيت الباب ماڪدرت افتح رجعت لبست ملابسي وهيج
عض شفته ممقتنع بڪلامي بقه يباوع بغرفتي يفتر وهوه شابك ايد بايد ومخليهن وراه
عثمان ; امممم اي خوش
_انتَ شلوون صرت بعده راسك يوجعك ؟
عثمان : لأ زين احسن
_دوم انشالله
عثمان : يدومج الي
ابتسمت وسكتت لزم ايدي كعدني علئ السرير كعد يمي وكال
عثمان : ليش احسج خايفه بيج شيء احچيلي
_ماكوو شيء بس شويه تعبانه
عثمان : اخذج للعياده
_لا ماريد هسه اصير زينه لايضل بالك
عثمان : تمام يروحي اني طالع تردين اجيبلج شيء وياي
هزيت راسي بـ لأ عافني وطلع من الغرفه خليت ايدي علئ ڪلبي اسحب نفس اول مره اجذب عليه بس من خوفي ماريده يتأذه او يصيرله شيء.
رحت علئ الجهاز جان داز بصمه رحت سديت الباب وفتحتها
لؤي : ريف ثقي بالله ماريد أذيج وعندي وياج موضوع كلش ضروري يخص حياتج انتِ واهلج اتمنئ تجاوبين علئ رسايلي واذا تخافين من عثمان نلتقي بغير مكان ونحچي
بقيت صافنه شنوو الموضوع الي يخص أهلي وليش لؤي يفتر وراي سحبت نفس وجاوبته
_شنوو الموضوع تڪدر تحچي علئ الجهاز ماكدر التقي بيك اخاف عثمان يشوفك وتصير مشكله شفت بعنك ليوم شصار
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
