نبـدأ بذكر الله :- ﷽
روايــــــة :- رَيْف
بقــــلمي :- الڪاتبه تـوته .."
أنا بـ عُمر الوَرد بَس وَردة ذبِلانة
أنا بـ روحِي غَصن ذبَلان وتگُلي النِاس حليّانة ؟
::*::*::*::*::*::*::*::*::*::
راح عليه عثمان يحجي وياه خلاه الاوراق بيده وبقه يباوع بيهن مدري شنوو حجاله دار وجهه باوعلي عيوني مدمعه والخوف مسيطر عليه من ڪل الجهات ابتسم بهدوئ ومد اديه الهم يقيدونه
فتحت عيوني حيل ليش قيدو وليش ماخذينه اكيد بسببي اني طلعت اركض من شفتهم سحبو
_عثمااااان
عثمان : ادخلي ريف
_لا فدوة عوووفو مامسوي شيء والله اني اني
عثمان : اششش ڪتلج ارجعي لاتخافين مراح يصير شيء بس ياخذون اقوالي ورجع
_لاتاخذونه عثمان لاتروح فدوة لاتتحمل ذنبي
سحب نفس بقوه وباوع للضابط ابتسم واشرله يفتح القيود فتحهن اله رجعلي لزم وجهي بثنين اديه وهمسلي بهدوئ
عثمان : باعي اذا مارحت هسه وياهم راح تثبت القضيه عليه وراح يتأكدون انو احنه السوينه هيج بـ ايمن عاد هسه اروح وياهم واكلهم جنت بالبصره والحجيه تعبانه وجنت وياها وماعرف أي شيء عن الموضوع وانتِ يجيبج مهاب وراي وتقدمين ابلاغ عليهم وتكولين تحرشو بيج وجانو ناوين يشغلونج بالملاهي همه من يسمعون هل حجي طالع منج راح يخافون ويتنازلون عن القضيه وينحل ڪلشي ونعيش براحه افتهمتي. !
_يعني احجي ڪلشي صار وياي للشرطه؟
عثمان : موو ڪلشي تحجينه اخابر مهاب واخلي ينطيج الجهاز وافهمج ڪلشي تحجينه ماشي هسه امسحي دموعج ولاتبينين لأي شخص خايفه وحته سيلين واخوها اذا سألوج عن الموضوع ڪولي ماعرف علئ شنوو اخذوه لاتنطين أي معلومه ماشي
هزيت راسي بأي واني دموعي تنزل وحده ورا الثانيه لزم وجهي وباس راسي مسح دمعتي بطرف اصبعه وراح وياهم
بقيت واڪفه وباوع وراه حيل خايفه وكلبي ممرتاح ماريد يتحمل ذنب موو ذنبه صعد وياهم بالسياره وراح اجت فرقان هيه وسيلين بسرعه
سيلين : ليش اخذوه؟
فراس : والله مادري خلي اخابر ابوي يشوف شنوو السالفه
سيلين : اكيد من وراج انتِ وعمامج
فراس : سيلين
سيلين : شنووو شنوو ڪل مافتح حلكي وصحتو عليه ليش ماتصيحون عليها ماتشوفون وين وصلتنه ست ريف كل يوم واحد متمرض وداخل سجن من ورا ريف ڪلشي تسوي تسكتون عنه لان شنوو يابه عود يتيمه وحرام نزعلها وهيه حيه ام راسين ڪل شويه بشكل طالعه
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
