نبدأ بذكر الله : ﷽
رواية : رَيْف
بقلمي : الكاتبه توته
مهم ⚠️" تصويت + تعليق بين الفقررات متابعه لحسابي user84505518
بخير تگول بس العبره خنكتها
تضحك والحزن بين بضحكتها !
…*…*…*…*…*…*…*…*…*…*…*
مهاب : ليش ختاريتي هل طريق ليش ماتخلين خالي يعترف بيكم گدام الكل "
طيف : اني طلبت منه ميعترف بينه گدام شخص .."
فتحت عيوني بصدمه مَآعِرَفتّ شنوو تقصد أمي يعني شنوو هيه الي طلبت منه ميعترف بينه شصايرر وليش اني متحچيلي شيء
دخلت عليهم واني احس نار شابه بگلبي باوعلي هاذه الاسمه مهاب وگال
مهاب : تعبناج بويه
صافنه بالكلام السمعته ماجاوبته عفتهم ورحت لغرفتي بدون أي كلمه.
مهاب : شبيها ضاجت ؟
طيف : هيه دائماً هيج ميعجبها شيء
مهاب : أي واضح كلش نفسيه
بهل اثناء دخل مروان للبيت كام مهاب سلم عليه گعدو سويه
مروان : اعرفج ابن اختي مهاب
طيف : اهلاً وسهلاً بيه
مهاب : أهلا بيج خاله
مروان : وين نيڤين ؟؟
طيف : راحت لغرفتها ترتاح
مروان : رايح اشوفها
مهاب : اني ..اترخص صارر لازم اروح سلمولي علئ ام لسان وخالي باجر لاتنسه مسوين ثواب تعال وانتِ خاله تشرفينه بجيتج انتِ ونيڤين
مروان : الله وياك حبيبي سياراتك خليها بالتصليح انه اكملها الك
مهاب : لا شدعوه احنه اهل مابينه هيج امور والصار كله حادث هسه راح امرها للصناعه
مروان : حته لو بابا انه اخسرلك الاضرار
مهاب : عود اذا حتاجيت شيء احاجيك يلا مع السلامه
طيف : الله وياك
طلع مهاب من البيت دار وجهه عليه مروان مبين ضايج كلش
مروان : اني جم مره گتلج نيڤين لاتخلينها تمشي بالشاااارع
طيف : هيه ماتقبل تروح بسياره تكول ارتاح من امشي خليها علئ راحتها
مروان : ولج ليوم لوو ماالله ستر جانت ميته
طيف : شنوو ميته انتَ شتحچي؟ ؟
مروان : اييي حقج كلشي متدرين مخليتها تطلع وتطب براحتها انتِ تدرين ليوم بنتج يمي بالمركز لوو ماتدرين
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
