نبدأ بذڪر الله :- ﷽
روايــة :- رَيْف
بقلـمي :- الـڪاتبه توته .."
هجْمت الدنَيا كلِها
وما عَرفت انساك!
ولا أعرف أعيِش وأنتَ مو گربي
أدافعّلك وأقاتل
وأحمل الطلقّات
وأعِرف بالنهٓاية هاي مو حربي؟
:*:*:*:*:*:*:*:*:*:*:*:*:*:*
مهاب : طلبت أيد نيڤين للزواج
فتح عيونه انور بصدمه باوعلي وهوه ضايج نزلت راسي واني اعصر ايد بايد لزم ايدي مهاب وكال
مهاب : يمكن ماحجيتلك بس اني ونيڤين نحب بعض صارلنه فترا وقررنه نتزوج
انور : من شوڪت تحبون بعض وليش ماڪتلي
مهاب : تدري بسالفة عثمان والصار ماملحك حته اڪعد وياك ونحجي
انور : الله يسعدڪم سويه
مهاب : تجي لخطبتي موو
انور : لٱ والله اعذرني عندي شغل بغداد ويمكن ابقه هناك هل فترا ماڪدر احضر.
مهاب : علئ راحتك بعد
انور : يلا اترخص منڪم
مهاب : الله وياك حبيبي
هز راسه بأي ومشه وصل يمي رفع راسه يباوع بعيوني نزلت راسي ڪلش اخجل من نفسي واكرهه نظراته الي
سحب نفس بقوه عافنه وراح صعد سيارته نزل ابو التكسي سعد
سعد : يلا عمي تأخرنه
مهاب : روحي وبعدين نحجي اني رايح لمحكمة اخوي هسه ماڪدر اتاخر
هزيت راسي بأي عافني وراح رحت صعدت بالتڪسي اختنڪت كلش دمعه وصلت لطرف عيني اتذكر كلامه ونظراته الي كسرت بخاطره.
ڪله مني جان المفروض ماتقرب منه ولا اتعرف عليه خليته يتعلق بيه وهوه ميعرف اني اخته
سعد : شعدهم هذول وياج؟
_ولد اخوالي
سعد : ابوج يعرفهم
_أي
سعد : ماشي
وصلني السايق دخلت للمدرسه واني ضايجه رحت بوجهي للصف شمرت الجنطه و ڪعدت بالمقعد مالتي اجت يمي أڤيان
أڤيان : هلو شلونج
_هلا
اڤيان : شبيج هاي الفترا ڪلها زعلانه صايرر شيء وياج
_صارت هواي امور واحس راح تصير بيه حاله نفسيه من وراهم
اڤيان : ياستار شڪو شصاير؟
_انسي ماريد ادوخج وياي شعدنه اليوم تحضير.
اڤيان : لا عادي احجيلي بلكي أڪدر اساعدج بشي
_شتڪدرين اڤيان انتِ تعرفين وضع امي وابوي وشلوون عايشين واني الوحيده الامي واخاف اعوفها لوحدها وهيه مريضه.
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
