نبـدأ بذكر الله :- ﷽
روايـــــة :- رَيْف
بقـلمـي :- الكـاتبه تـوته .."
تناثر الشّوق مِن رُوحِي الّتي تَعبَت
والشّوق إن لاح ڪيف الَمرء يُخـفِيهِ ؟"
::*::*::*::*::*::*::*::*::*::*::*
انور : مرته
فتحت عيونها بصدمه باوعتلي بنظرات استغراب رجعت باوعت لمروان اني نزلت راسي ساكته مافتحت حلكي بكلمه
أباذر : ههههه صدكت امي شبيك انور
انور : خليها تصدك هاي الحقيقه
غفران : شـ ءء أ شقصدك ؟ ؟
مروان : غفران خلينه نحجي تعاي
غفران : نحچي اي نحچي ڪول انور شقصده شنوو هل كلام سڪتتتتته مروووووان كووول كلشي ديحجي شقه موو شقه منووو هااااي وليش جايبها لبيتي !!
انور : ابوي متزوج يمه وعدنه بنيه عمرها 16 سنه
خلت ايدها علئ حلكها فتحت عيونها حيل نزلت دموعها بسرعه انقهرت ڪلش عليها مجنت اريد يصير هيج
غفران : مسوين مقلب بيه ادري تجذبون مروان شبيك ساڪت متفق وياهم شنوو متحجي شيء.
الحجيه : خير شبيكم اصواتكم طالعه
مروان : هلا حجيه
الحجيه : هلا بيك يمه شلونك
مروان : زين
أباذر : بابا احجي شديصير انور صدك يحجي؟
اثير : هههه والله حلوو وجايب مرته وجاي يعرفها علينه.
الحجيه : شنوو ؟؟
غفران : لأ لأ مستحيل شبيكم ماتعرفون ابوكم هوه يحبني مايتزوج عليه ليش حته يتزوج مقصره بشي وياك اني مروان جاوبني حبيبي ضايج مني مسويتلك شيء اني.
مروان : ممقصره بشي وانتِ مرتي وحبيبتي. بس
أباذر : بس حبيت تغير وتزوج عليها موو
الحجيه : خايب شتمسلت انتَ مروان شنهي السالفه ماتحجي شبيك شديحچون ولدك
مروان : اسمعوني بويه طيف مرتي وصارلي متزوج 17 سنه اخذتها ومكدرت احجيلكم وليوم قررت احجي ڪلشي حاولو تتفهموني امكم ممقصره بشي وياي وانتم تعرفوني زين احبها واريدها بس طيف هم اريدها ومراح افرق بينهم ولا راح تسبب الكم بمشاكل.
وكعت غفران علئ الارض وهيه منهاره دموعها صارت تتسابق راح يركض عليها مروان دفعته بقوه رجعته ليورا صرخت بوجهه
غفران : وخرررررر عنيييييييي خااااااين شلوووون تسوووووي هيييج بيه مروووان اني غفررران نسيت منوو اني حاربت اهلي عليك حاربت الدنيا علمودك هيج تجازي حبي وتضحيتي الك شلوون انطاك كلبك هيج تسوب بيه حررررام عليك والله ماستاهل هيج تسوي بيه
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
