نبدأ بذكر الله : ﷽
روايـة : رَيْف
بقلمي : الكاتبه توته
مهم ⚠️" تصويت + تعليق بين الفقرات متابعه لحسابي user84505518
حوبة الابيض گلب تِحرك خضار ايامهم ..✨❤️
____________________________&
لؤي : اني لؤي أبن عمج صادق.
انصدمت من گال هيج درت وجهي علئ عثمان مصدومه سنين مرن مالتقيت بـ ولا شخص من اعمامي كلهم تخلو عني ولاشخص منهم سأل عني
او حاول يشوفني ميته عدله دمعت عيوني ونقهرت كلش مَآعِرَفت شنوو أحچي
_خلينه نروح عثمان
باوعلي ابتسم بهدوئ ولزم ايدي هز راسه بأي
عثمان : تعالي
اشر عثمان بأيده لؤي بحركه ماعرف شنو معناها لزم ايدي ومشينه صعدت بالسياره نزلت دموعي
عثمان :أششش ليش هل دموع عليمن تبچين.
_مادري ليش انقهرت من گالي ابن عمج همه هذول اعمامي مثل الغربه ميسألون عني ولاكانو اني بتهم
عثمان : شغله وحده زينه سووها بحياتهم من انطوج النه لازم تكونين فرحانه لأن ماتعرفين هيج ناس
_ليش
عثمان : مجنتي راح ترتاحين يمهم
_اتذكر عمتي جانت تصيح عليه وحته تضربني
عثمان : ختولي لاتذكرين هذيج الايام هسه انتِ بنيتي شحده ليوصلج غير مايريد روحهه
_دائماً خليك يمي عمرك لاتتخله عني
ضحك كرص خدي وباس ايده لزم اديني ثنينهم سحب نفس بقوه وگال
عثمان : ولج انتِ روحي من الدنيا شلون اتخله عنج مستحيل اعوفج بيوم.
_حته اذا تزوجت لاتتغير عليه خليك هيج حنون ويايه
ركز بعيوني عيونه تلمع ابتسم وهوه يباوع لكل جزء بوجهي وعبالك هاي اول مره يشوفني عض شفته وهز راسه بـ لأ
عثمان : ماتغير اني بس انتِ خليج هيج هم ولاتتغيرين عليه لاتخلين ناس تفرق بينه ولاتغيرج
_ماتغير وعد
عثمان : ريـفي "
_هَـا
عثمان : ماكوو شيء يلا نروح نزور اهلج ونرجع وراي شغل هواي
_تمام
عثمان : مسحي دموعج يلا
ابتسمت مسحت دموعي شغل سياره ورحنه للمقبره حسيت بخنكه اول ماشفت القبور والمكان الي بيه اهلي.
نزلنه سويه اشترينه دباب ماي ورد وقوارير نخلي بيها ماي وحنطه.
مشينه هواي لان السياره مايگدر يدخلها بين القبور لآزٍمٍ ايدي بقوه كل مايمشي خطوه يقرا دعاء القبور واية يس
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
