نبـدأ بذڪر الله :- ﷽
روايــــــــة :- رَيْف
بقلمـي :- الكاتبه توته .."
شَگد وحشة الدرب مِن ينمشي بدَونك لَو رايحلي كُلشي ولا ضوه عَيونك !
::*::*::*::*::*::*::*::*::*::*::*
نيڤين : غادرني ..!
من أحببته غادرني لا يعلم معنئ أن يحبه شخص طوال اليأس أن يحبه شخص رغم ان قلبه مغمور بالاسئ ومنطفئ لايضيئ ألا معه عقلي يرفض وقلبي يريدك بشده مُنذ أول حديث دار بيننا علمت أنني سوف أقع واكملت رغم رفضي الشديد للحب الا انني اكملت افتقدك والمراقبه لم تعد تفيد فؤادي مرهق مهما حاولت كل شيء يظهر حبي يظهر والجميع يعلم انه ايضاً مثلي لكن لا احد يبادر خائفين من الحب مؤلم ان تحب من بعيد لاتعلم شيء ولاشي بيدك سوى الدعاء لاتطيل المغادره لأنني افتقدك .."
اخذني لبيتهم طول الطريق الصمت سيد الموقف ولاشخص منه فتح حلكه بحرف
ڪعدت ورا اني ماڪعدت بالصدر يسوق ومركز بالطريق.
مشت السياره هواي وابتعدت عن بيتي وامي ومنطقتي عفت ڪلشي ورا ظهري وبدت حياتي الجديده
ماعرف شنوو المنتظرني وشلوون راح اعيش جايتهم بكل قوتي وماعرف راح اطلع من هل خرب خسرانه لوو ربحانه.
خليت ايدي علئ ڪلبي يدك بسرعه خايفه ومتوتره قريت آيه الكرسي والمعوذات بلكي ارتاح شويه مغمضه عيوني واهمس بيني وبين نفسي ادعي فجأه كال هود
هود : شبيج بويه تحجين ويه روحج ..؟
فتحت عيوني شفته يباوعلي بالمرايه مجاوبته درت وجهي علئ الجام ابتسم بهدوئ و ڪمل سياقه.
وصلنه لبيتهم بعد سياقه تقريباً ساعه ڪامله مادري وين عايشين منطقه زراعيه بساتين ڪدام بيتهم وزرع هوواي واشجار ونخل عبالك غابه.
هود : يلا انزلي وصلنه
_واخيراً عبالي عايشين بالمريخ
هود : هههههه انزلي بويه انزلي
عود يلطف جو يضحك ابو خشم عابت نزلت من السياره واني اعدل بالشال علئ راسي واتلفت يمنه ويسره مكان بيتهم ڪلش حلوو حديقه كلها ورد جوري ڪدام البيت ومرجوحه وعلئ اليمين تخم قنفات ويمهم نركيله وطاوله.
بقيت اتمشه واباوع علئ المكان نزل هوه الجنط مالتي 3 صاح وراي
هود : تعاي اسحبي جنطج هم تردين مني اصعدهن الج للغرفه شنوو
_اي تسوي فضل والله
هود : ها هيج يعني ..!
_اي
طلعت مره من البيت وياها ولد شاب بقيت واكفه مكاني اجه يمي هود وخله الجنط يم السياره.
ام هود : ها شرفت ست الحسن
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
