رَيْف

part (41)

نبـدأ بذكر الله :- ﷽

روايــــة ;- رَيْف

بقـلـمي :- الكاتبه توته .."

بخِت ينݛاد حَتۍ نعٰيشِ مِٛݛتاحَيڼ ..🖤

::*::*::*::*::*::*::*::*::*::*

طيف : حقيقه شنوو

هنادي : هوه

جانت تريد تحجي دخل انور للغرفه سكتت ودنكت راسها.

انور : خاله تعاي شويه

طيف : هسه جايه

طلع من الغرفه رجعت باوعت عليها بستغراب.

طيف : احجي يمه شنوو الحقيقه الي ماعرفها. 

هنادي : ماكوو شيء خاله بس فدوة ماريدج تحقدين عليه اني مالي ذنب بأي شيء صار وهم مثل بنتج انضلمت كلش ودخلت بمصيبه. 

هزت راسها بأي عافتها وطلعت من الغرفه راحت علئ انور

طيف : ها

انور : خابرني ابوي هسه ولازم اروح عندي شغل لاتنطينها مجال ابد وخليها هيه تشتغل انتِ اكعدي واسكتي ماشي.

طيف : روح يمه روح لاتفكر بحقد هيج خاف ربك حرام الي تسوي.

انور ; والله ماعرف شكلج رغم كلشي صار من وراها وبنتج دمرت حياتها انتِ تعاملينها بهل طريقه غيرج جان طلعت حق بتها من عيونها.

طيف : شنوو راح استفاد من اضلمها اكثر واعذبها راح ترجع حياة بنتي مثل قبل لوو يرجع مستقبلها كلشي مراح يتغير عاد اخاف الله بيها حته ربي يحفظلي بنتي ويداريها الي.

انور : انتِ ڪلش طيبه اتمنئ ڪل ناس مثل تفكيرج.

ابتسمت بلطف وهزت راسها اله  عافها وطلع من البيت ..
__

نيڤين : وكأنه بركان يفور

هناك شيء داخل صدري يؤلم وكأن يوجد حبل يخنق قلبي لتنزل ادمعي وداخلي صرعات وعقلي الذي لايهدأ اشعر بشتات اشعر بفوضئ اريد ادخال يدي واخرج كل شيء أنني اموت في كل ثانيه تمر كل نفس اتنفسه وكأنه نيران في كل نبضه قلبي يؤلمني ينبض وكأن عروق قلبي ستنفجر حقاً اريد الراحه قليلاً فقط كيف أنني لازلت علئ قيد الحياة وكل شيء بي يموت ليتني بدون مشاعر ليتني رحلت الئ الله منذ ولادتي. افضل الموت علئ ان ابقئ هكذا واستمر في الكذب علئ نفسي ومن حولي أنني بخير نفسي تحارب نفسي لي استيقظت علئ ألم قلبي الذي يحترق وكأنه بركان يفور .."

تعبت هواي بليلتها نمت واني صخونه ماكله جسمي اكل صار جسمي مثل الجمر.

ڪعدت ساعه بـ 3 بليل جسمي كله عركااان لان متغطيه لافه روحي لف بالبطانيه.

ڪمت علئ حيلي جسمي يرجف وعيوني ڪوه مفتحتهن.

دخلت للحمام غسلت وجهي عطشااانه ڪلش ريكي يابس طلعت من الحمام اباوع للساعه بـ 3 الفجر.