نبدأ بذكر الله :- ﷽
روايـة :- رَيْف
بقلمي :- الكاتبه توته
مهم "🚫 تصوويت + تعليق بين الفقرات متابعه للحساب فضلاً
كَانَت اَسهُم جَارِحه علىٰ هيئة حَدّيث .💔😩
*::*::*::*::*::*::*::*::*::*::*::*
فتحت عيوني بصدمه معقوله هل كلام كله يطلع من عثمان ؟
لا مستحيل طول هل سنين مخدوعه بيه كبرني حته يستغلني وياخذني لمصلحته مني شديصير ياربي مجاي استوعب شيء
عدت البصمه اكثرر من مره اريد كلمه وحده تخليني ماثق بكلام لؤي ماكوو كل كلمه حجاها عثمان تموتني.
دموعي صارت تنزل وحده ورا الثانيه لان يتيمه فكرر يستغلني ليش يسوي هيج
لزمت راسي دايخه كعدت علئ الدرج يعني متباهي لأن اخذ رأيه بكلشي اشوفه انسان عظيم اشوفه اب الي افضله عن الكل متوقعت هوه هيج يفكر بيه
شسوي هسه بمنوو اثق بمنوو اصدك اذا عثمان هيج يحچي الغريب شلون وينج يمه تعالي شوفي حالتي ليش خليتوني لوحدي بهل حياة.
اتصل جهازي جان لؤي مسحت دموعي بسرعه وجاوبته.
_الوو
لؤي : هاا ريف سمعتي البصمه مو؟
_اي سمعتها
لؤي : سمعتي كلشي بأذنج هل انسان مريض يريد يستغلج عوفي وتعالي علينه
_متاڪد عثمان هوه الحجه هيج ؟؟
لؤي : رييييف صدك تحجين البصمه سمعتيها بأذنج ماتعرفين صوت عثمان انتِ
_أي بس هوه مايأذيني مستحيل يكون هيج
لؤي : لج بويه أڪيد مايأذيج لأن ڪلشي ماخذ منج متحڪم بحياتج كلها هسه انتِ تتحركين خطوه أذا موو هوه عنده علم بيها
_اڪدر اشوفك ؟؟
لؤي : أي اكيد وين تردين اشوفج
_تعال هسه للمدرسه واني راح اخذ اجازه واطلع
لؤي : دقايق واكون يمج
سديت من عنده واني كلبي يرجف رجف اريد اعرف كلشي اريد افهم ليش عثمان يفكر هيج بيه ليش يحاول يستغلني واني الثقيت بيه وعتبرته أبوي
رحت الاداره دكيت الباب ودخلت طلبت اجازه من المديره وكتلها تعبانه اريد ارجع للبيت هيه تعرفني شاطره انطتني اجازه.
اخذت الجنطه وطلعت من المدرسه اتمشه بالشارع وبالي ابدد موو يمي صافنه واتذكر كلشي انحچه احس انهدم ڪلشي مبني بينه اني وعثمان
شويه وكفت يمي سياره رفعت راسي جانت سيارة لؤي نزل منهاا واجه نحوي
لؤي : اصعدي
أنت تقرأ
رَيْف
Romanceياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
