رَيْف

part (48)

نبـدأ بذكر الله :- ﷽

روايــــــــة :- رَيْف

بقلمــي :- الكاتبه توته .."

- Make your life a story worth telling.
‏- اجعل حياتكَ قصةً تستحقُ أن تروى 🖤.

::*::*::*::*::*::*::*::*::*::*

مهاب : نيڤين زوجج برا يريدج

انصدمت من ڪال هيج شجابه هود وين عرف مكاني لعبت نفسي اكثرر وتعبت مابيه حيل اكوم واشوفه.

مهاب : انتِ خابرتي يجيج موو؟

فرقان : متشوف حالتها مهاب وينها وين المخابره اكيد هوه اجه وحده

غصون : يلا يمه امشونه

ام جلنار : اجاها رجلها هوه راح ياخذها

غصون : ها شوكت اجه

مهاب : هسه وبقه واڪف برا ماقبل يدخل اخذج اله.

ام جلنار : ايي حبوبه خلي رجلها يعالجها هوه اولئ بيها

عض شفته مهاب دنك راسه هزه بأي اجاني لزمني من ايدي وكومني اباوعله بقهر بحزن ماريد ارجع لهود ماريده مهاب ساعدني خلصني منه.

مشيت وياه علئ اعصابي شفت الحقير واكف بالباب لابس وكاشخ ولاكانو مسوي ولاحته لخاطري لابس اسود.

لا لابس جاكيت رصاصي وقميص اسود وبنطرون رصاصي.

هود : شبيها؟

مهاب : مريضه

اجاني بسرعه سحب ايدي من ايد مهاب جان لازم ايدي مهاب حيل عاصر اصابعي من سحبني هود تزلغت ايدي غمضت عيوني وشهكت.

مهاب : شبيك هييي علئ كيفك وياها.

دفعت ايد هود عني واني ارجف ليش اجاني هسه ماكدر حته احجي اريد اطلع حركت گلبي اريد اصرخ

هود : نيڤين شبيج شنوو هل تصرفات يلا تعاي نرجع سويه

_عـ عوء عوفني ءأ مهاب

درت وجهي علئ مهاب واني ابجي نزلت دموعي بضعف بجيت علئ حالتي وضعي والله ابجي علئ روحي وعلئ حالتي الوصلتها

_ليش اجيت شتريد ءأ شتريد مني

هود : شنوو شريد منج غير مرتي

مهاب : شوف ضاهر هيه ماتريد ترجع وياك وحالتها هسه كلش كلش تعبانه فأ الاحسن تروح وغير يوم تجيها.

هود : ماتحرك اذا ماخذها وياي خليك برا الموضوع انتَ لاياخذك الواهس مادري بيها تجي لبيتك واله اعرف شلوون اتصرف

مهاب : احترم نفسك واحجي عدل لاتخليني اهينك كدامها واسويك مضحكه نيڤين بنت خالي كبل لاتصير مرتك لاتصدك روحك جاي تنفخ بريشاتك كدامها روحه ماتروح وشتريد سوي. 

هود : تعاندني لوو شنوو بالضبط

مهاب : شتريد احسبها هيه ماترضه تروح وياك تريدك خلي تروح مامنعها ماتريد تروح تبقه يمنه بيتها هذا واحنه مانعوفها لاتشوفها ضعيفه هسه ومتكدر تحجي اني بظهرها احجي بمكانها.