نبدأ بذكر الله ::- ﷽
قصة ::- رَيْف
بقلمي ::- الكاتبه توته
قبل كلشي حبايبي متابعه للحساب user84505518 تصويت + تعليق بين الفقرات.
احببتك ڪ طفلة بريئة رأت عندك الامان ❤️.
_________________________&
غالب : رَيْف بابا لاتوكعين
_ما مااا
جلنار : عوفها خليها تلعب
غالب : اخاف عليها توكع شوفي جهال واحد يدفع بالثاني كومي روحي نزليها خلينه نرجع للبيت خابرني اخوي عنده شغل ويريد سيارتي
جلنار : ليش هوه موو عنده سيارة أله سيارتنه
غالب : جلناااار شكوو شبيج
جلنار : مابيه شيء بس دائماً ياخذون سيارتك يفلشونها بالطريق البعيد ويعوفون سياراتهم بالبيت
غالب : خواني هذول خواني لاتنسين هل شيء وشيصير يعني أذا ياخذون السياره ويرجعونها
جلنار : ادري خوانك ماحجيت شيء عليهم اني بس
غالب : أشش اسكتي طلعتي روحي من الطلعه كلها روحي جيبي ريف ولحكيني للسياره.
راح وعافني بحيره اكثرر من مره احاول اوصله انو خوانه مايردوله الخير ودائما الشي الي عنده ياخذونه منه يخربونه ويرجعونه اله والشغله العدهم مايستعملونها.
مليت واني احاول وياه ماعرف شوكت راح يعرف يتصرف رحت علئ بنتي تلعب بالمراجيح هيه والجهال.
جلنار : يلا ماما راح نرجع للبيت
_ماما هثه جينه
جلنار : باجر هم اخلي بابا يرجعنه هسه عنده شغل ولازم يروح خطيه بابا نأخره علئ شغله اذا نبقه هواي هنا
_انا حب بابا ماذعل مِڼـّي
جلنار : أي يعيوني انتِ يلا تعالي
لزمت ايدها واخذتها للسياره جان ابوها كاعد ومنتظرنه نجي صعدنه ورجعنه لبيتنه بالطريق اتصل جهازه جان اخوه صادق
غالب : ألو
صادق : انتَ وييينك موو كتلك اريد السياره ليش تتأخر كتلك وراي خرررا شغل
غالب : شبيك علئ كيفك جنت طالع ويه عائلتي هسه اوصلهم للبيت واجيك
صادق : خرا بالعائله شغلي راح يروح وانتَ ماخذ ست الحسن تفرفر بيها
غالب : احترم نفسك واعرف علئ منوو تحجي مرتي هاي ام ريف تسوه ابو شغلك
صادق : انه تحجي هيج وياي غالب !!
غالب : تعلم انتَ شلون تحجي وياي وبعدين علمني شحجي
صادق : يصير خيرر
أنت تقرأ
رَيْف
Roman d'amourياريحة اهلـنه يازمان الفـات ياطـيبه ومحنه وگلب وافي صح چان الفقر موجود بالناس بس جانت قناعـه وبال صافي جان البيت والتنور من طـين مـثل حضن أمي چان البيت دافي وطعم ذاك الخبز موو طعم خبز اليوم بيه ريحه حطب للعله شــافي جان العطف والاخلاق موجـود ومن ك...
