Puso'y nalulumbay
Sarili di alam kung saan ilalagay
Pamimintas ng iba hindi na makaya
Sinisira unti-unti ang pagmamahal ko sa kapwa
Tinitingnan ngayon ang mundo ko
Puno ng hinanakit at panlalait niyo
Hindi matanaw kung saan nagkamali
Kaya ako'y naaapi at nasasawi
Siyang ikinagulat ko ng may pumawi ng hinagpis
At nagpahayag ng intensyong malinis
Naglahad ng tulong itong ginoo
At minahal ko siya ng totoo
Naging sandalan tuwing may problema
Subalit ako'y iiwan rin pala
Lahat ng ito ay isa lamang pagsubok
Tila ako ay inuudyok
Ngunit hindi napatalo sa hamon ng buhay
At nahanap din ang kaligayahan kong tunay
---------------------------
