----------
Tuluyan nang kumawala ang mga hinaing
Aking sinambit gusto ka sa aking piling
Nalulumbay na damdamin ay iyong dinggin
Pighati sa puso ay iyong salangin
•
Bagamat tayo ay sigurado na
May mga pangyayaring nagiiba
Tulad ng desisyon ng ating pamilya
Kumakamkam ulit sa samahang nawala
•
Muling nanumbalik ang nakaraan
Bumalik ito sa kasalukuyan
Pwede na siguro ang ating samahan
Wala nang hadlang kahit sino man
•
Lahat pala ito'y isang panaginip
Tila luha saking mata ay sumisilip
Malamig na pakikitungo ay umihip
Iyong mga mata waring di ako mahagip
•
Saka ko lang napagtanto at nalaman
Kusang umagos sa isip ang katotohanan
Dahilan bakit ka nagkaganyan
Pigil ang mga magulang sa pag-iibigan
•
Ngunit sa mga ganitong panahon
Alam kong dito dapat tumatag ang relasyon
Huwag tayo sumuko sa malaking hamon
Iyo sanang pansinin ang aking tugon
*
Lahat nga nang bagay ay may wakas
Pagkakasundo ay naging matalas
Pagmamahal na walang kupas
Simbahan din talaga ang landas
----------
Sa wakas! Finished na ang Paano ba? From 1 to 3. Next ud ay ang 2nd part ng Collecting Haiku. Enjoy reading!
