----------
Ilang araw na tinatanong ang sarili
Bakit hindi ummunlad itong tinatangi
Dahil ba sa kakulangan ng edukasyon?
Oh sa gobyernong ngayon ay may polusyon?
.
Wala na yatang kamalayan ang bawat mamamayan
Unti-unti lumulubog tayo ng dahan-dahan
Pagkakaisa ng isa't-isa ito nga ba'y natuluyan
Kasi bawat pagkakamali 'di nabibigyan ng kasagutan
.
Mga may pakialam natutulad na sa agila
Sila'y mahalaga ngunit ito pa ang nawawala
Nauubos na ang konsensya sa ating utak
Dahil sa kayamanan ito ay nawawasak
.
Iisang bansa, iisang lahi
Subalit magkakaiba ng minimithi
Sapat ba itong dahilan na ang tinatangi
Ay madungisan ng may maitim na budhi?
.
Kay daming taong napapariwara dahil sa maling gawa
Pero bakit? Bakit kayong mga nakapalibot walang ginagawa!
Tila inyong mga mata ay nabubulag
Oh nagbubulag-bulagan sa paligid na nabuwag
.
Sistemang Kupas laganap pa rin
Istilo ng panlalamang maaari bang ibahin
Hindi iyong nalalaman na nga namin
Saalitang bulaklak na naman ang sasambitin
.
Tayong mga Pilipino
Sabayan ang pagpapanggap dito
Hindi ka pa rin ba nababahala?
Masasamang gawain sa bansa ay lumalala
.
Sino nga ba ang tunay na nalamangan?
Tayo bang mga mamamayan
Oh baka naman silang kataas-taasan
Meron nga bang tamang kasagutan?
.
Sa magkakaibang aspeto
Lahat tayo nalalamangan dito
Lahat tayo ay nalinlang
Lahat tayo'y kailangan gumalang
.
Respeto sa isa't-isa ay naglalaho na
Kaya nagagawa nang manlamang ng kapwa
Kung lahat lang tayo ay may bukas na puso't diwa
Maunlad na sana itong ating bansa
__________
Sabi ko Friday ang ud pero medyo nalate haha. Hope you enjoy reading. Wala po akong pinapatamaan dito.
