--------------------
Mga panahon na nasayang
Mga pagkakataong ako'y nagkulang
Dapat kaginhawaan ang iyong nakamtan
Ngunit di natamasa dahil sa kasakiman
Ang binatang ito na humihingi
Iyong kapatawaran upang sakit ay mapawi
Labis ang pagsisisi sa nagawang kamalian
Ngayon aking nararanasan ang kabayaran
Sinusuyo ang mga tala
Hinihiling na ibalik ka
Sadyang wala na talaga akong pwedeng gawin
Upang magkaroon ng tsansa at mabalik ka sa akin
Aalalahanin na lang lahat ng nangyari
Pinagsamahan at mga pangakong nabali
--------------------
