Tagged by: misuMei
Theme: Lapida
Title: Paglipas
----------
Inuungkat muli ang nakaraan
Mga panahong ika'y aking nasisilayan
At mga pagsubok na pinagdaanan
Nagdadamayan na nilampasan
Walang pangamba kahit di nakalingon
Ika'y nandiyan lamang at handang tumugon
Iyong pangangaral aking binaon
Sa puso't isip ito'y bumaon
Hindi malimutan ating ala-ala
Sa bawat pagluha ng aking mga mata
Ikaw ay pawang bayani na nagpapakita
Dadamay sakin at patatawanin pa
Paglipas ng panahon ay kay bilis
Tayo'y nagkaroon ng awayang labis
Sinubukang pumanhik subalit lumihis
Namamagitan ay agad naalis
Aking nabalitaan iyong dinanas
Nabasa iyong sulat kulungkutan ay wagas
Hindi na kinaya ang lupit ng dahas
Kaya't desisyon ay tumalas
Narito na ako't pinagmamasdan
Habang payapang nakalatag sa himlayan
At ika'y pinagpahinga na ng tuluyan
Tanging lapida mo na lang aking tinitingnan
-----------------
Ang Tagal na ng challenge na ito ngayon ko lang nagawa. Pasensya na.
