----------
Patuloy sa paghangad
Kamay niya ay ilalahad
Tutulungan akong makita ka
Ngunit ito'y hanggang panaginip pala
Ang aking panalangin
Ay sana kanyang dinggin
Kahit isang pagkakataon
Hindi ko sasayangin iyon
Lubos kong ikaliligaya
Na masilayan ang iyong mga mata
Upang humingi ng paumanhin
Mga matalim na wikang di na uulitin
Ako'y magbabago para sayo
Papatunayan kong ako'y nararapat sa pag-ibig mo
----------
