⚜️ الــــــجـــان ⚜️
سكينة سليماني
البارت 17:
بقات تبكي و تنتر...الخلعة من لمكان دارها ليها ...كتشم ريحة الجيفة و كتشوف لعضام قدامها...تبتوها مزيان و هزو يديها لفوق ...بقات ترغبهم و تغوت و حتى واحد ماسامع ليها ...تهز السوط حتى للفوق و نزل على ظهرها كيف الجنوي ...غوتات لربي لي خلقها ...تعاودات الثانية و الثالثة حتى وصلو للرابعة و جا حجي قاطعهم...
حجي: باراكا عليها نزلوووها و خرجوها منهنا...
...فكو ليها يديها و هي شاداها سخفة بقاو كيجرجروها و هي كتنخصص حتى وصلوها لعند الجواري و خشاوها ف جناح خاص ...لاحوها فوق لفراش و هي غير جامدة و كتبكي و ظهرها كتوزوز من شحطات...هادو كانو غير ربعة د شحطات و كون كملات الخمسين كون ماتت...دخلات عندها سعيدة و عاوناتها تگعد
سعيدة: ختام شنو بيك ؟؟
ختام:( كتشهق) ماااابقيتش بغيت نبقا هنا ...بغيت نمشي لداري بغيت نمشي بحالي
حجي: اسكتيييي يا سليطة للسان الي مكتحشم مكترمش...كون انا لي كليت ديك لعصا كون راني ساكت و مكمش و لكن كيتك غير للمشويطة...
رقوش:(دخلات) كدوي مع مولاي بقلة حيا و عينك فعينو مكتحشميش ؟ كون ماشي دادا غنيمة لي عاوداتهالي مانتيق
حجي: هاهي عندك ديريلها لعشوب لظهرها و علميها تسد فمها و لبسيها و قاديها
رقوش: علاش؟
حجي: حيت لالة ام سيدي بغات تشوفها (ضار عند ختام) عندك زهر كيهرس لحجر اما كون كملتي الطرحة د العصا المتعوسة
...خرج حجي و بقات رقوش معاها كداوي ليها ظهرها و هي كتبكي و تغوت و سعيدة كتصبر فيها و دير ليها لعقل ...لواو ليها ظهرها ب خرقة بيضة و لبسوها قفطان كحل كيف يامها... كحلو ليها عينيها زورق حتى بانو كثر و وردو ليها فمها و حناكها و طلقو ليها شعرها و لبسوها شربيل الصم...هي ماقادراش تزيد و هوما كيقولولها خصك تمشي عند ام سلطان و تشوفيها ... خرجات و خرجو معاها و هوما كيوصيوها...حلفات ماتعاود دوي و لا تكلم حتى وصلات لجناح ام السلطان و فتحو ليها الباب و دخلات ...لقات غنيمة واقفة حدا ذهبية و تاجة جالسة حداها ...جلسات ف الارض محنية و دموع ف عينيها
ذهبية : لاش لبكا و دموع جابوك عندي بزز ؟
غنيمة: حاشا الالة راه غير أدبناها شوية
ذهبية: (ناضت عند ختام ) شنو داروليك ؟
ختام:(كترجف) ضربوني ف ظهري
ذهبية :(ابتاسمات) شحيطات صغار تعلمي بيهم تصوني لسانك و تعبري كلامك و توزني مقامك
ختام: هادي و توبة
ذهبية: علاش دويتي مع ولدي هكك ماخفتيش راسك يطير ؟
ختام: بغيت غير نخليه يشرب دواه..ماقصدتش العيب
ذهبية: واخا هكك ماتعاوديهاش...ليوم كتابلك عمر جديد و غدا مانضمنوكش
غنيمة: سماحتك و عطفك الالة هوما لي معيشينا الله اخليك ديما تاج فوق راسنا ...انا غادي نربيها و نأدبها و غادي تعجبك الالة
ذهبية: ماشي وقتو اغنيمة... وجدوها الليلة غادي تمشي عروس عند ولدي
غنيمة:(طرطقات عينيها) عروس ؟؟
ختام: (طلعات راسها فيها ) كيفاش
ذهبية: قريها و علميها شنو دير ...و صيفطيها (شافت ف غنيمة) مفهوم ؟
غنيمة: كيما تآمري الالة مايكون غير خاطرك...
...تحنات غنيمة و زادت و جرات معاها ختام لي مافاهمة والو ...
يتبع
أنت تقرأ
⚜️ الـــجٰـــــان ⚜️كاملة
Fantasyبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...