⚜️ الــــــجـــان ⚜️
سكينة سليماني
البارت 50:
كانت قدامو طايحة بحالا ضاربها الضووو و هو واقف عليها
كاعود : اش قربك لعندي ياك كنتي نتي و راجلك فمكانك
ختام :(كاتحاول تستجمع طاقتها )لا ابااا انا افتكرتك فهاد عز ليل غير بااش نشكررك حيت زوجتيني بحبيب قلبيي..و ندلك ليك شوية راسك نتا و مي ولاكين (كطل مور ضهرو )فيناهيا مبانتش ليا ا با
كاعود:(عطاها بضهرو غادي لبلاصتو هاد هي تنفسات كانت اتموت بالخلعة ) كل واحد كينعس فبلاصتو ،،،انا عندي عيالات من غير ريها ولكن هي أغلاهم
ختام (تفكرات حيدر و نطقات بصوت خافت ولكن سمعها ) اممم تا نتااا
كاعود :شنو لي حنا انااا
ختام (دغيا جات مور ضهرو كدلك ليه فكتافو )لا وااالو ابااا ترخى ولاعجبك هاد التدليك لي كنديرلك نعلمو لعيالاتك باش يوليو يريحوك
غلبات عليه بالهدرة بين يديها تا سها و جبداتها و دارتها فصدرها حسات بيه نعس خرجات بزربة كتجري تا وصلات عند حيدر
دخلات عندو سخفانة غير شافتو جبداتها ليه من وسط صدرها طار عليها بتعنيقة عرف راسو ماشي مع مرا عادية جبداتها من فم السبع
ختام (دفعاتو من عليها )خاصنا نتحركو دابا ماشي وقت تعناق
حيدر:(تفكر حصة و عاشور )يلااه را غادي نلقاوهم كيتسناونا
خرجو كيتسلتو تا تلاقاو معاهم وصلو لباب اللخرة لي كتخرج برا المملكة كانو بزاف دالحراس و تا لابغاو يخرجو ايتغضحو
حيدر: خاصنا معاهم لحيلة يا ولاا غانقتلوهووم
ختام : واش كيحسابك هادو بشر راه جنيين
مشعل:(نطق من وراهم) عندك الحق باش تخرجو خصكم بزاااف ..و غير جن زرق يقدر يخرجكم
ختام:(ضارت عندو) مشعل انا ...
مشعل: منبعد و شرحيلي...خصنا نخرجو دابا
...هزهم فيديه و خرجهم من قبيلة النار...تحطو قدام حصة و عاشور لي مافهمو والو و بقاو كيشوفو ف مشعل هاد الاخير لي دفعو حيدر و شد ختام عندو ..
مشعل: علاش هربتو ؟
حيدر: ماشي شغلك ...
...قرب منو مشعل حيت حس بيه قلل من قيمتو و لكن ماقدر يدير ايه والو ...ضغط على قبضة يديه بغضب و نطق ...
مشعل: انسان منزه عن الجن عندك زهر مانقدرش نقيسك
حيدر: جرب ديرها ..
ختام: صافي سكتو بجوجكم طريقنا طويلة...خصنا نعتقو موريجان
مشعل: واش ناويين تعتقوها ؟
ختام: اه و خصنا نعرفو هاد النجمة فين خصنا نحطوها باش ناخذو القفل الثاني..
مشعل: انا عارف فين ...و غادي نعاونكم
ختام: بصح ؟؟ (ابتاسمات) اذن ورينا
مشعل: يالاه نمشيو...
...مشاو فطريقهم و كيهضرو...ختام تعارفات مع حصة و عاشور و بدات كتقنع فيهم باي خصهم يتزوجو دغيا و يتوجو حبهم و هوما كيسمعو ليها ...اما حيدر و مشعل بيناتهم شوفات كيف القرطاس و حساسية زايدة...مشا حيدر لجهة ختام و شبك يدو مع يدها كرسالة ليه لمشعل انه مايحاولش يقيسها و لا يقرب منها...
حيدر: ختام بغيت نسولك
ختام: (ابتسامة) سولني امولاي
حيدر:(ابتاسم) فاش جينا لهنا ..شنو الحاجة لي فكرتي فيها و كتجمعنا بجوج ...
ختام: نتا فاش فكرتي ؟
حيدر: فكرت ف ديك الليلة...و نتي ؟
ختام: فكرت ف سلهامك..
حيدر: سلهامي ؟ علاش سلهامي ؟
ختام:(عضات شفتها السفلية حاسة براسها زبلاتها) لا والوو
حيدر: نطقي ...(بقا كيشوف فيها كضور عينيها و نطق) ختام واش نتي لي سرقتي سلهامي داك نهار ؟
أنت تقرأ
⚜️ الـــجٰـــــان ⚜️كاملة
Fantasyبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
