⚜️ الـــجٰـــــان ⚜️كاملة

الــــــجـــان ⚜️ البارت 31

⚜️ الــــــجـــان ⚜️

سكينة سليماني

البارت 31:

ميمونة: كانت عندي جدة سميتها الگوطة و هاد جدة كانت من شحاااال هادي من شي الف سنة تقريبا ...كان عزيز عليها تزور و تقدم القربان و فين ما كان شي سيد كتمشي ليه و تاخد القبول...الگوطة مابقاتش قانعة بهادشي و قررات تمشي عند سحار و طلبو دير سحر يسخر ليها الــجان...و بيه تشوف المستقبل و  داكشي لي دار ...

حيدر: (كيشوف ف ختام)و كتقولي ليا ماشي تريكة سحارة

ختام:(خنزرات فيه) خليها تكمل

ميمونة:(تنهدات) سخر ليها جنية سميتها هيل و آمراتها تقطع القرآن و تفسد و دير المنكر الى بغات تخدمها و توريها المستقبل...الگوطة طغات و لكلامها سمعات و هيل بدات كتوريها المستقبل و شيحوايج كون تخباو يكون حسن ...

ختام : اوا اميمة شنو وقع

ميمونة: لي وقع ابنتي هو الگوطة عيات و حسات بالذنب و لربها رجعات و تابت و هادشي ماعجبش هيل و مادوزاتهاش ليها و قررات تحط عليها لعنة و فعوض ماتشوف المستقبل غادي نبقاو نرجعو لزمان ...نهار الگمرة تكمل و العودة تولد و العزبة تزوج  و دوك الجن لي سخرتهم باش يخدموك هوما نيت لي غادي يشدو حبال اللعنة و ماغادي تفكي و ترجعي لحاضرك حتى تفقدي شيء عزيز عليك و الى بغيتي تفكي من اللعنة الى الابد خصك تق//الي السلطان من سلالة عز العرب ...

حيدر: غير كتحلم هاديك ...حتى واحد مايقدر يقيس سلالتي

ميمونة: عندك الحق ..سلالتك ماتقاستش حيت سلالتي مابغاتش..

ختام: و كيفاش كنا كنرجعو الميمة...

ميمونة: هيل حطات شرط اخر الى  ماسيبناش  دم سلالة سلطان خصنا نخسرو شيحاجا عزيزة علينا

ختام: ناري الميمة انا مانقدرش على هادشي ...

حيدر: علاش بالضبط سلالتي ؟

ميمونة: ماعرفتش..امكن حتى نتوما عندكم حساب معاها ...

ختام: كيفاش انقدرو نحيدو هادشي و كل واحد يمشي لطريقو ؟

ميمونة: انا عارفة حاجا اخرى ...

ختام: لي هي ؟

ميمونة : سلالة السلطان سلالة شريفة مايقدروش يقتلوها الجن و لا يقربو منها ... و هادشي كاملو بسباب جنية اخرى .. سميتها موريجان...كيقولو هي و هيل عدوات و هيل غدراتها و حبساتها و الى بغيتو اللعنة تفك و هيل تفنى خصكم تعتقو موريجان

ختام: و فين انلقاو هاد خيتي ؟

ميمونة: انا انلقا الحل و نعيطلكم (ابتاسمات) حمدي الله و شكريه ابنتي معاك السلطان و غادي يعاونك..

ختام: شلاااا فاش ايعاوني..يزيدني غير تمارة

ميمونة: ماتقوليش هاكا ابنتي ...غير منين جا معاك لهنا راه هادشي عندو معنى

حيدر: واش انا لخاطري ؟

ميمونة: هادشي بعدا عمرو وقع لغيرك

ختام: و علاش الميمة شنو السبب؟

ميمونة: اممم واش فزگتو بجوجكم بنافورة لي تحت جناحو

ختام:(حركات لينا راسها ب اه)

ميمونة: عليها ..ديك النافورة و النافورة لي فرياضنا خيط بين عالمنا و عالمو و بسبابك جا ...

ختام : مافهمت والو ...

ميمونة: منبعد و نشرحليك..انمشي لبيتي منين نلقا شيحاجا و نعيط ليكم

ختام: انا انمشي ندوش الميمة عييت و نحيد عليا هاد جلايل سيبافري

ميمونة: هبطي لحمام لتحت راه سخون و حسن ليك ...