⚜️ الــــــجـــان ⚜️
سكينة سليماني
البارت 25:
حيدر: جيبوها ليا هاد ليلة
رقوش و حجي شافو ف بعضياتهم بدهشة و حيرة
رقوش : شكون نجيبولك امولاي ؟
حيدر: ختام
حجي: مولاي واااش بغيتي ختام تعاود دخل الخلوة ؟؟؟
رقوش:(دفعاتو بشوية ب دراعها و سكتاتو) كيما تآمرنا امولاي ليلة تكون عندك ...
...خرجو كيزربو ف خطاويهم مصدومين و لكلام مابغاش يتصگم ليهم هادي اول مرة يطلب السلطان شيوحدة و جاتهم غريبة...رقوش طارت عند غنيمة علماتها هاد الاخيرة لي قالتها ل ام السلطان و فرحات و امراتهم يوجدو ختام و ماينقصو عليها حتى حاجا ...مشات رقوش و غنيمة لعند ختام و قالوليها شنو كاين ...غير سمعات هضرتهم ناضت من بلاصتها و طارتعليهم بتعنيقة مامتيقاش راسها...دفعاتها غنيمة و شداتها من يدها ...
غنيمة : باراكا من لعب الصبيان و سمعي جوج كلمات دي بيهم الفايدة و ينفعوك ف نهار لكحل...السلطان طلبك و الى كنتي فهيمة مانخافش عليك
ختام: ماتخافيش انا قدها ...
...شدوها و بداو ليها كولشي من لول دخلوها لحمام و بالغاسول و الحنة غسلو ليها و بالورد و زهر شللو ليها ...خرجوها و عطروها ب المسك الحر و بخرو ليها شعرها ب بخور الحج...كحلو ليها عينيها و حمرو ليها حناكها و شفايفها...طلقو شعرها و خلاوه على طولتو على ظهرها مسرح و لبسو ليها الصفر اللون لي عزيز على السلطان...قفطان منبت ب الصقلي و الجوهر جامعها و مبين ليها كاع تفاصيل جسمها ...كملوها بالنبالة و لمضمة و لمشامر...بالخلخال و السنسلة ن الطوانگ و مانساولها والو حتى من خيط ريح على جبهتها تزين...لبسو ليها شربيل الصم صفر كيصقصق و حطو ليها ريحة المسك فشقة صدرها و تحت وذنيها...عطاوها لعسل ففمها تحطو تحت لسانها..و رجعوها آية فالجمال لي شافها يحماق عليها ...نهار و ماطال و هوما كيقادو فيها اما السلطان كان نهارو دايز بالشوق ليها ...كيتلف راسو و يلعب بالسيف و يضور مع الخيل ديالو و يوردها..و عقلو فيه غير هي و كيتسنى غير اليل فوقاش يوصل ...و منين وصل دخل لجناحو و تحمحم و بقا كيتسناها و صبرو تقاضا لابس سلهام خفيف و سروال قندريسي و غادي جاي ...كانت هي ف طريقها ليه و قلبها كيضرب حتى وصلات و شافت فيهم اخر شوفة و دخلات و تسد الباب ...وقفات قدامو و ماقدراتش تحنى..تجمدات فيه و هو كثر منها رغم انه عاقد غوباشتو الا انه تبهر بجمالها...قرب منها و هي بدرع نطقات
ختام: مولاي ...
حيدر:(تبسم) تسنيتك بزاف ..
ختام: كون شفتي شنو درت باش ندخل عندك هنا ...تعذبت بزاف
حيدر: (هز خصلة من شعرها فيديه و عض شفايفو ) المرة لفايتة علاش نعستي و ماتسنيتينيش
ختام:(قلبات شفايفها و هبطات راسك) كنت عييت
حيدر:(هز ليها وجهها باش تشوف فيه) ليلة ماكاينش لعيا (زاد قرب منها) كاين غير انا و نتي ...
تصبحن على واقع اجمل 🔥
أنت تقرأ
⚜️ الـــجٰـــــان ⚜️كاملة
Fantasíaبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
