⚜️ الــــــجـــان ⚜️
سكينة سليماني
البارت 23:
...تحركات رقوش عند لحكيمة و جابت داكشي لي وصاتها عليه ختام ...رجعات عندها و عطاتو ليها و خبعاتو...مشات خدات قفطان حمر و مقص و دخلات لجناحها كتقطع فيه و تقادو ...تعاشات لعشية و طاح الظلام و السلطان توجه لجلسة ديالو لي كانت ف دار لحريم ...غير دخل و كاع الجواري ماكرهوش يقربو ليه و يتهافتو عليه ...اما هو مامسوق لحتى وحدة غير داير الخاطر لمو و حضر ...جلس و فجنبو عبد الله لي عينو ماتحيداتش من الارض...بداو الجواري كيعزفو و بالعود و الطبل اجمل الالحان و كينشدو اجمل الاغاني ...اما ختام كانت الفوق بعدما سالات و توجهات لعند الجارية و دخلات لقاتها كتقاد ف راسها و بغات تهبط و هي توقف ليها ...
ختام: هااااك قالتلك دادا غنيمة شربيه عاد هبطي
هند: علاش ؟
ختام: قااالت باش ماتسخفيش
...شدات من عندها الكاس و هبطات عليه ف دقة ...و ختام متبعاها...ابتاسمات ليها و شكراتها و تمات نازلة ماجات فين ترمي الخطوة حتى داخت و سخفات... شداتها ختام و رجعات دخلاتها و نعساتها بلاصتها و غطاتها
ختام: غير سمحيلي مالقيت حتى شي طريقة اخرى باش ندوي معاه ...دابا يعوضك ربي ان شاء الله و الى ماصدقاتش ليك معاه راه عطا ربي الرجال
...خرجات من عندها بسرعة و مشات لجناحها هزات اللبسة لي من صباح كتقاد و لبساتها...جاتها معرية من صدر و شقة ديالو كتبان و كرشها كتبان و حتى من دراعها و فخاضها كيبانو...قادات ليها المجوهرات ديالها و دارت لثامها و قادات الزينة لوجهها و خرجات...كانت هازة شمعة فيديها و غير وصلات تبدل الاقاع كاملو...الجواري جاو قدامها و بقاو كيحيدو وحدة وحدة حتى بانت هي ف الوسط ...كترمقو بنظرات ساحرة كأنها لبؤة و باغا تنقض عليه ...اما هو منين شافها حط الكاس من يدو و قاد الگلسة ...كيعبرها بعينيه مزيان ...اللباس و المنظر عمرو شافو و غريب عليه ...و ماشي غير بوحدو تبهط و تدهش كاع لي كانو تماك من الجواري و حجي و رقوش و غنيمة كانو مصدومين... بدات كترقص رقص ب ايقاع مختلف...كولشي فيها كيتهز و يتحط و هي كضحك و مستأنسة...تبع ليها العين و تفتن بجمالها و نظراتهم لبعضياتهم مابغاتش تحيد و تبعد...كدوز منهنا و منهنا و كضور عليه و تقيسو بشعرها...حيدات اللثام قدامو و زاد تصدم..رجع كيشوفها كثر من اي وحدة اخرى ...ماتوقعهاش تكون هي و لكن فقلبو عجبو لحال ...سالات الموسيقى مع اخر رقصة دارت ووقف السلطان و كلهم تحناو...كان هاز فيديه تفاحة و تقدم عند ختام و عطاها ليها و تخطاها...مافهمات والو ...قربات منها رقوش و جراتها كيزربو و يمشيو للجناح دغيا
رقوش: شنو درتي ...ماعرفت نفرح و لا نبكي انا خايفة غير السلطان مايعجبوش هادشي
ختام: كان خصني نجبد بالو عندي
رقوش: جبدتيه...شوفاتو كاملو كانو عليك و لكن فكيها يا من وحلتيها فاش تجي عندك دادا غنيمة و تقولك اش جابك لتما
ختام: انااا عارفة شنو نقول غير خليني ...
رقوش: بدلي هاد لفضيحة...فاش كان الله كيفرق الحشمة نتي مادخلتيش ف لحساب
ختام: ههههههه
رقوش: كضحكي على خلا عشتك
ختام: لا فكرتيني ب ماما (تنهدات) توحشتها بزاف
رقوش: القصر هو عائلتك دابا ماتنسايش....
...يتبع
أنت تقرأ
⚜️ الـــجٰـــــان ⚜️كاملة
Viễn tưởngبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
