⚜️ الــــــجـــان ⚜️
سكينة سليماني
البارت 20:
...لقات راسها يدها و ريح ...لا حنين لا رحيم ...تحت الامر الواقع واقفة و كتشوف ف جناح السلطان لي كان واسع و كولو مفرش ب الحرير و ريش نعام...خاوي و غير ضو الشموع منورينو...تحركات بخطواتها كطلل و تبرگگ تأكدات ان الجناح خاوي و مافيه حد ...بقات كتمشى و ضور و تبقشش بحال الجناح جناحها لقات واحد طبيلة صغيرة كيدير فيها لوراق و لقلام و قربات منها...هزات واحد لقرورة ماعرفاتهاش ديالاش...بقات كتحرك جهة النموسية و هي كتحاول تحلها بجهد حتى طاحت من يدها و تزلع الحبر فوق ليزار د الحرير لي فوق فراش د نعاس ...
ختام: اوييلي اوييلي شنو درت اشداني نقيس شيحاجا مادياليش...
...هزات ليزار و لواتو و خبعاتو تحت سرير ...و هزات القرورة رجعاتها لبلاصتها و تكمشات جلسات و بقات كتسنى و السلطان باقي مابانش...حطات راسها على المخدة عيات و نهارها داز طويل ...بقات كتشوف ف نقطة وحدة حتى تسدو عينيها و مشات ف نوم عميق ....
...حيدر كان ف الحمام كيتحمم...مسترخي و كيفكر...كيعجبو يبقا بوحدو تماك و مايصدعو حد ...ناض و قدرات الما هابطين مع جسمو...شد منديل الحرير لواه عليه لتحت و لبس من فوقو سلهام خفيف و خرج لجناحو نيشان ...خدا سروال قندريسي لبسو و خدا شال رطب و تقيل لواه على صحتو ...كان كيسمع غير لصوت التفكير لي كيضور فراسو حتى لمحها ناعسة فوق فراشو...حرك راسو لجنب و عقد غوباشتو و تقدم ناحيتها...قرب ليها بشوية و مد يدو حيد شعر من على وجهها ...تفكرها...و لكن اصلا ماقدرش ينسى مولات اللسان السليط ...فهم و عرف بلي صافطوهاليه للخلوة بلا علمو ...تنهد و خلاها ناعسة ...و نعس حداها من جهة لوخرا ...ضار عندها كيشوف فيها بتعجب...كون كانت وحدة اخرى فبلاصتها كون تسناتو و مافلتاتش فرصتها و لكن هي نعسااات ...ابتاسم ابتسامة جانبية و غمض عينيه و داه النعاس ....صبح صباح و فاقت كتحرك...حلات عينيها و ناضت راسها كيضرها ...بقات شوية كتستوعب احداث البارح عاد صحصحات...شافتو حداها ناعس و تكمشات...ناضت بشوية كتسلت حتى خرجات من فراشو و هزات بلغتها فيدها و ضرباتها بسلتة...حلات الباب بشوية و خرجات و قلبها كيضرب ...ماجات فين ضور حتى لقات غنيمة و رقوش قدامها ...
ختام:(قفزات ) خلعتوووني مالكم واقفين عليا بحال لبوليس...
رقوش : شنو هي هادي معيورة ؟
غنيمة: المعلوم ؟
ختام: شنو هو هادا ؟
غنيمة: رقوش دخلي
ختام:(وقفاتها) فين غادي دخل راه سلطان كاين لداخل خليتو ناعس ف لفراش
...بداو كيضحكو الخدم بيناتهم و غنيمة و رقوش حشمو ...
غنيمة: منين مولاي باقي لداخل رجعوها ل دار لحريم ...انبقا هنا حتى يخرج مولاي
...رقوش جرات ختام و معاها لخدم و مشاو بيها لدار لحريم فين كيتجمعو الجواري ...غير شافوها ضارو بيها كيسولوها و هي مكتنطق بحتى كلمة ...مشات لجناح لي عطاوه ليها و جلسات تماك حتى جات عندها سعيدة فرحانة
سعيدة: عاوديلي كيف دازت الليلة مع مولاي
ختام : نعسنا و صاف
سعيدة: اويييلي صافي طارت الحشمة ؟ قوليلي عفاك كيقولو داكشي زوين
ختام : واش نتي ماعارفاش شنو كيوقع راه قراو لينا هادشي ف التربية الجنسية و راه شفناه ف البورنو
سعيدة:(حالة فيها فمها) ها ؟ مافهمتش؟
ختام: صافي غا سكتي حتى نتي
....
يتبع 🔥🔥 علمو لبنات بلي كنحط
أنت تقرأ
⚜️ الـــجٰـــــان ⚜️كاملة
خيال (فانتازيا)بقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
