⚜️ الــــــجـــان ⚜️
سكينة سليماني
البارت 42:
بقا يتفكرها و يخمم فين راها و شنو كدير ...فكرة تديه و تجيبو و هو كيشوف نقاش حصة و عاشور لي مكيساليش ...طريقهم طويلة و مرادهم باقي بعيد ...فقنت اخرى و فقصر من طين ...كانت ناعسة على ظهرها و عاد بدات تفيق و تحل عينيها...ناضت من بلاصتها كتشوف ف جنابها و شنو لابسة ...حوايج شفافين مستور غا صدرها و قاعها و الذهب ملبوس ليها ..كأنها اميرة ...شدات فقلبها خايفة حتى تهزات الخامية و دخلات من المدخل لي ماعندوش باب مرا كبيرة و لكن باقا شباب ابتاسمات و جلسات معاها ...
ريخا: جنتي فقتي ...شنو تبغي نجيب ليك ؟
ختام: انا ؟ شكون نتي و فين انا ؟
ريخا: انا ماماك ..نسيتي (كتمسح على شعرها)
ختام: فين هو حيدر ؟ (بعدات منها )
ريخا: رتاحي انا نهضر مع باك و نجي و نجيبلك الماكلة صافي ماتحركيش
...ناضت ريخا خرجات من لبيت و تبعاتها ختام كتختل و مادايراش الحس حتى دخلات لبيت اخر و ختام بقات مور الخامية كتصنط
ريخا: البنت فاقت اگاعود...
كاعود: مانعرف فين بغيتي توصلي بهاد الهبال ديالك ...نسيتي واقلة بلي راها انسية
ريخا: انا مكيهمنيش هادشي ...البنت كتشبه لبنتي عزة لي ماتت و المكتوب صافطها لينا
كاعود: و شكون قالك هاديك ماعندها لا لول لا تالي
ريخا: راه لقيناها جنب الواد كون كان شيواحد معاها كون بان ...ماتحرمنيش من هاد الفرحة
كاعود: و شنو بغيتيني نقول ل ناس القبيلة
ريخا: ناس لقبيلة نتا كبيرهم و شيخهم واش كاين شيواحد ايعتارض على كبير قبيلة النار ...البنت اتبقا معانا و هادا هو كلامي
كاعود: زيدي انبقا تابعك حتى نطيحو ف شي مصيبة...
...تحركات ختام من بلاصتها دغيا و رجعات لبيت فين كانت كتستوعب شنو سمعات...عرفات بلي لقاوها بوحدها و حيدر مكانش معاها ...عرفات ايضا بلي هي ف قبيلة ماشي عادية و مع اشخاص ماشي عاديين و انما جنون و بلي كتشبه لبنتهم لي ماتت...بقات كتفكر كيفاش تستاغل هادشي لصالحها و حبل افكارها تقطع و دخلات عندها ريخا و معاها الخدم جايبين الماكلة ليها
ريخا: عزة ياكما كضرك شيحاجا نعيط لحكيمة
ختام: سميتي ختام
ريخا:(عطات اشارة لخدم يخرجو) كتشبهي لجنتي عزة لي ماتت..و فاش لقيتك فلواد ماقدرتش نخليك
ختام: انا ماعندي حد
ريخا:(مبتاسمة) عندك انا و عندك باك شيخ القبيلة كاعود اتكوني بنتنا (شداتلها فيدها)
ختام: واخا (فلتات يدها دغيا كتفكر ف شي حل لهادشي ..)
ريخا: كولي اجنتي و خرجي مع جنينات ضوري ف ملك باك ...
أنت تقرأ
⚜️ الـــجٰـــــان ⚜️كاملة
Viễn tưởngبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
